Koi Ye Kaise Bataye Keh Wo Tanha Kion Hai,Wo Jo Apna Tha Wahi Aur Kisi Ka Kion Hai

کوئی یہ کیسے بتائے کہ وہ تنہا کیوں ھے ؟ 

وہ جو اپنا تھا ، وھی اور کسی کا کیوں ھے ؟

یہی دُنیا ھے تو پِھر ، ایسی یہ دُنیا کیوں ھے
یہی ھوتا ھے تو آخر ، یہی ھوتا کیوں ھے ؟

اک ذرا ھاتھ بڑھا دیں ، تو پکڑ لیں دامن
اس کے سینے میں سما جائے ھماری دھڑکن
اتنی قُربت ھے تو پِھر ، فاصلہ اِتنا کیوں ھے ؟

دلٍ برباد سے نِکلا نہیں ، اب تک کوئی
ایک لُٹے گھر پہ دیا کرتے ھے دستک کوئی ؟
آس جو ٹُوٹ گئی ، پِھر سے بندھاتا کیوں ھے ؟

تم مسرّت کا کہو ، یا اِسے غم کا رِشتہ
کہتے ھیں پیار کا رشتہ ھے ، جنم کا رِشتہ
ھے جنم کا جو یہ رِشتہ ، تو بدلتا کیوں ھے

کیفی اعظمی
 

*********************

یہ خوف دِل میں نگاہ میں اضطراب کیوں ہے؟
طلوع محشر سے پیشتر یہ عذاب کیوں ہے

کبھی تو بدلے یہ ماتمی رُت اُداسیوں کی
میری نگاہوں میں ایک سا شہر خواب کیوں ہے

کبھی کبھی تیری بے نیازی سے خوف کھا کر
میں سوچتا ہُوں کہ تُو میرا انتخاب کیوں ہے؟

فلک پہ بکھری سیاہیاں اب بھی سوچتی ہیں
زمیں کے سر پہ یہ چادر آفتاب کیوں ہے

ترس گئے میرے آئینے اُس کے خال و خد کو
وہ آدمی ہے تو اس قدر لاجواب کیوں ہے؟

اُسے گنوا کر پھر اُس کو پانے کا شوق کیسا؟
گناہ کر کے بھی انتظارِ ثواب کیوں ہے

تیرے لیے اُس کی رحمتِ بے کنار کیسی؟
میرے لیے اُس کی رنجش بے حساب کیوں ہے؟

اُسے تو محسن بلا کی نفرت تھی شاعروں سے
پھر اُس کے ہاتھوں میں شاعری کی کتاب کیوں ہے؟

محسن نقوی
 

*****************

لاحاصل بتا مجھے تجھ سے اتنی محبت کیوں ہے؟
قدم قدم سانس سانس پہ تیری چاہت کیوں ہے؟

میں نے تمنا ہمیشہ حاصل کی، کی مجھے ملا تو لاحاصل بن کر
میرے حاصل سے تیری اسقدر مشابہت کیوں ہے؟

دل کو دھڑکتے پایا جب بھی تیرے احساس میں پایا
وہموں سے میری سوچ کو اسقدر مماثلت کیوں ہے؟

کبھی تونے محسوس کی ہے چاند کی چاندنی میں میری خوشبو؟
مجھے تو چاند کی ہر بدلتی کڑوٹ میں لگتی تیری شرارت کیوں ہے؟

نامعلوم

 ****************

اجنبی ہے تومیرے زہن میں رہتا کیوں ہے
وہ جو پتھر ہےتوشیشوں کا مسیحا کیوں ہے

وہ ھوا ہے تو گزرجائے ھوائوں کی طرع
وہ سمندر ہے تو ٹھہرا رہے بہتا کیوں ہے

میرے آںگن میں نہیں کوئی امیدوں کا گلاب
پھریہ موسم میرے آںگن میں اترتا کیوں ہے

جس کے چہرے پہ سجی جھوٹ کی تحریریں ہیں
دل اسی شخص کے وعدوں سے بہلتا کیوں ہے

یہ میرا دل ، یہ معصوم یہ انجان سا دل
پھر نہ جانے اس کے نام سے دھڑکتا کیوں ہے

نامعلوم
 

*********************

 
دلوں کی راہ پر آخر غبار سا کیوں ہے
تھکا تھکا مری منزل کا راستہ کیوں ہے

سوال کر دیا تشنہ لبی نے ساغر سے
مری طلب سے ترا اتنا فاصلہ کیوں ہے

جو دور دور نہیں کوئی دل کی راہوں پر
تو اس مریض میں جینے کا حوصلہ کیوں ہے

کہانیوں کی گزر گاہ پر بھی نیند نہیں
یہ رات کیسی ہے یہ درد جاگتا کیوں ہے

اگر تبسم غنچہ کی بات اڑی تھی یوں ہی
ہزار رنگ میں ڈوبی ہوئی ہوا کیوں ہے

راہی معصوم رضا
 

****************

ﺍﺗﻨﺎ ﻣﺠﺒﻮﺭ ﺁﺩﻣﯽ ﮐﯿﻮﮞ ﮨﮯ
ﺍﻭﺭ ﺍﮔﺮ ﮨﮯ ﺗﻮ ﺁﮔﮩﯽ ﮐﯿﻮﮞ ہے

ﮨﺮ ﻧﻔﺲ ﻧﻌﺮۂ ﺧﻮﺩﯼ ﮐﯿﻮﮞ ﮨﮯ
ﺍﺗﻨﺎ ﺍﺣﺴﺎﺱ ﮐﻤﺘﺮﯼ ﮐﯿﻮﮞ ﮨﮯ

ﺗﯿﺮﮔﯽ ﻋﺠﺰ ﺻﺎﺣﺒﺎﻥ ﻧﻈﺮ
ﺭﻭﺷﻨﯽ ﺗﮏ ﮨﯽ ﺭﻭﺷﻨﯽ ﮐﯿﻮﮞ ﮨﮯ

ﺁﺝ ﮨﯽ ﺗﻮ ﮐﺴﯽ ﺳﮯ ﺑﭽﮭﮍﮮ ﮨﯿﮟ
ﺁﺝ ﮐﯽ ﺭﺍﺕ ﭼﺎﻧﺪﻧﯽ ﮐﯿﻮﮞ ﮨﮯ

ﻟﻮﮒ ﮐﯿﺎ ﺟﺎﻧﮯ ﮐﯿﺎ ﺳﻤﺠﮫ ﺑﯿﭩﮭﯿﮟ
ﻧﻘﺶ ﺳﮯ ﺍﺗﻨﯽ ﺑﮯ ﺭﺧﯽ ﮐﯿﻮﮞ ﮨﮯ

مقبول نقش
 

*******************

ﺍﭘﻨﮯ ﭘﮩﻠﻮ ﻣﯿﮟ ﻭﮦ ﻏﯿﺮﻭﮞ ﮐﻮ ﺑﭩﮭﺎﺗﺎ ﮐﯿﻮﮞ ﮨﮯ
ﻣﺠﮭﮯ ﭼﺎﮨﺘﺎ ﻧﮩﯿﮟ ﺗﻮ ﻣﺠﮫ ﮐﻮ ﺟﻼﺗﺎ ﮐﯿﻮﮞ ﮨﮯ

ﺳﻤﺠﮫ ﺁﺗﯽ ﻧﮩﯿﮟ ﺍﺱ ﮐﯽ ﺍﻧﮩﯿﮟ ﺑﺎﺗﻮﮞ ﮐﯽ ﻣﺠﮭﮯ
ﺧﻮﺩ ﮨﻨﺴﺎﺗﺎ ﮨﮯ ﺗﻮ ﭘﮭﺮ ﺧﻮﺩ ﮨﯽ ﺭﻭﻻﺗﺎ ﮐﯿﻮﮞ ﮨﮯ

ﻟﯿﻠﮧ ﻣﺠﻨﻮﮞ ﺍﻭﺭ ﮨﯿﺮ ﺭﺍﻧﺠﮭﺎ ﻭﻏﯿﺮﮦ ﺟﯿﺴﮯ
ﻣﺠﮭﮯ ﺍﻟﻔﺖ ﮐﮯ ﮨﯽ ﻗﺼﮯ ﻭﮦ ﺳﻨﺎﺗﺎ ﮐﯿﻮﮞ ﮨﮯ

ﮐﺒﮭﯽ ﺑﮭﻮﻝ ﮐﺮ ﺑﮭﯽ ﻣﯿﺮﺍ ﺍﺱ ﮐﮯ ﺟﻮ ﺳﺎﻣﻨﮯ ﺳﮯ ﮔﺰﺭ ﮨﻮ
ﺗﻮ ﻭﮦ ﭼﮩﺮﮮ ﺳﮯ ﻧﻘﺎﺏ ﺍﭘﻨﮯ ﮨﭩﺎﺗﺎ ﮐﯿﻮﮞ ﮨﮯ

ﺍﮔﺮ ﺍﺱ ﻧﮯ ﻣﯿﺮﺍ ﻧﺎﻡ ﻧﮩﯿﮟ ﻟﮑﮭﺎ ﺍﺱ ﭘﺮ
ﻣﺠﮫ ﺳﮯ ﭘﮭﺮ ﺍﭘﻨﯽ ﮨﺘﮭﯿﻠﯽ ﮐﻮ ﭼﮭﭙﺎﺗﺎ ﮐﯿﻮﮞ ﮨﮯ

ﺷﺎﯾﺪ ﺟﺎﻥ ﮔﮱ ﮨﯿﮟ ﮐﮧ ﺗﺠﮫ ﺳﮯ ﮨﯽ ﻣﺤﺒﺖ ﮨﮯ ﻣﺠﮭﮯ
ﻟﻮﮒ ﭘﻮﭼﮭﺘﮯ ﮨﯿﮟ ﮐﮧ ﺗﻮ ﻣﺠﮫ ﮐﻮ ﺳﺘﺎﺗﺎ ﮐﯿﻮﮞ ﮨﮯ

ﺍﭘﻨﯽ ﻣﺮﺿﯽ ﺳﮯ ﺟﻮ ﺑﺎﻗﺮ ﻣﺠﮫ ﺳﮯ ﺭﻭﭨﮭﺘﺎ ﮨﮯ ﺗﻮ ﭘﮭﺮ
ﻣﺠﮭﮯ ﺧﻮﺍﺑﻮﮞ ﻣﯿﮟ ﻭﮦ ﺭﻭ ﺭﻭ ﮐﮯ ﻣﻨﺎﺗﺎ ﮐﯿﻮﮞ ﮨﮯ

ﻣﺮﯾﺪ ﺑﺎﻗﺮ ﺍﻧﺼﺎﺭﯼ
 

*********************

ﺁﻧﮑﮫ ﺳﮯ ﺁﻧﮑﮫ ﻣﻼ ﺑﺎﺕ ﺑﻨﺎﺗﺎ ﮐﯿﻮﮞ ﮨﮯ
ﺗﻮ ﺍﮔﺮ ﻣﺠﮫ ﺳﮯ ﺧﻔﺎ ﮨﮯ ﺗﻮ ﭼﮭﭙﺎﺗﺎ ﮐﯿﻮﮞ ﮨﮯ

ﻏﯿﺮ ﻟﮕﺘﺎ ﮨﮯ ﻧﮧ ﺍﭘﻨﻮﮞ ﮐﯽ ﻃﺮﺡ ﻣﻠﺘﺎ ﮨﮯ
ﺗﻮ ﺯﻣﺎﻧﮯ ﮐﯽ ﻃﺮﺡ ﻣﺠﮫ ﮐﻮ ﺳﺘﺎﺗﺎ ﮐﯿﻮﮞ ﮨﮯ

ﻭﻗﺖ ﮐﮯ ﺳﺎﺗﮫ ﮨﯽ ﺣﺎﻻﺕ ﺑﺪﻝ ﺟﺎﺗﮯ ﮨﯿﮟ
ﯾﮧ ﺣﻘﯿﻘﺖ ﮨﮯ ﻣﮕﺮ ﻣﺠﮫ ﮐﻮ ﺳﻨﺎﺗﺎ ﮐﯿﻮﮞ ﮨﮯ

ﺍﯾﮏ ﻣﺪﺕ ﺳﮯ ﺟﮩﺎﮞ ﻗﺎﻓﻠﮯ ﮔﺰﺭﮮ ﮨﯽ ﻧﮩﯿﮟ
ﺍﯾﺴﯽ ﺭﺍﮨﻮﮞ ﭘﮧ ﭼﺮﺍﻏﻮﮞ ﮐﻮ ﺟﻼﺗﺎ ﮐﯿﻮﮞ ﮨﮯ

سعید راہی