Buhat Yaad Aati Hain Batein Purani

اگر پوچھتا ہے تو سُن یارِ جانی
ہماری جوانی بھی تھی کیا جوانی
ہنسی، دل لگی، چہچہے، شادمانی
ہمیشہ حسینوں سے آنکھیں لڑانی
سدا کامیابی، سدا کامرانی
بہت یاد آتی ہیں باتیں پرانی

Agar Poochhta Hai Tou Sun Yaar Jani
Hamari Jawani Bhi Thi Kia Jawani
Hansii,Dil-Lagi,Chehchehay,Shaadmani
Hamesha Haseeno Se Aankhein Ladani
Sada Kamyabi,Sada Kamrani
Buhat Yaad Aati Hain Batein Purani

وہ دن رات کُوئے نگاراں کے پھیرے
وہ رنگین کوٹھے، وہ گُل پوش ڈیرے
وہ کمرے فروزاں، وہ زینے اندھیرے
وہ زلفوں کے حلقے، وہ بانہوں کے گھیرے
وہیں مدّتوں جا کے راتیں بِتانی
بہت یاد آتی ہیں باتیں پُرانی

Woh Din Raat Ko-e-Nigaraa'n Ke Phere
Woh Rangeen Kothay,Woh Gul-Posh Dere
Woh Kamre Farozaa'n,Woh Zeeny Andhere
Woh Zulfo'n Ke Halkey,Woh Banhoo'n Ke Ghere
Wahei'n Muddato'n Ja Ke Raatei'n Bitani
 Buhat Yaad Aati Hain Batein Purani

چھریرے بدن وہ ہوا میں لہکتے
گلے میں وہ بیلے کے کھنٹے مہکتے
وہ آنچل ڈھلکتے، وہ عارض دہکتے
وہ عالم کہ ہم بِن پیے بھی بہکتے
بہکنے کی اُن سے سزائیں بھی پانی
بہت یاد آتی ہیں باتیں پرانی

Charere Badan Woh Hawa Mein Lahektay
Galey Mein Woh Belay Ke Khantay Mahektay
Woh Aanchhal Dhalaktay,Woh Aaraz Dhaktay
Woh Aalam Keh Hum Bin Peeye Bhi Bahektay
Baheknay Ki Unse Sazaei'n Bhi Paani
Buhat Yaad Aati Hain Batein Purani

کنہّیا بنے گھومتے ہولیوں میں
لئے رنگ پھرتے تھے ہم جولیوں میں
سدا جا ملے گُل بدن ٹولیوں میں
اُترتی پھواریں حسیں چولیوں میں
دھنک بن گئیں ساڑھیاں جو تھیں دھانی
بہت یاد آتی ہیں باتیں پرانی

Kanheya Bane Ghomtay Hollion Mein
Liye Rang Phirtay Thay Hum Jollion Mein
Sada Ja Milay Gul-Badan Tolion Mein
Utarti Phanwarein Haseen Chollion Mein
Dhanak Ban Gaei'n Saareyan Jo Thein Dhani
Buhat Yaad Aati Hain Batein Purani

ہر اک جام میں وہ برابر کی ڈھلنا
وہ شیشے کا گرداب بن کر مچلنا
وہ گر گر کے خود ساقیہ کا سنبھلنا
کمر کو وہ اِس طرح بَل دے کے چلنا
کہ کستی چلی جائے جیسے کمانی
بہت یاد آتی ہیں باتیں پرانی

Har Ik Jaam Mein Woh Barabar Ki Dhalna
Woh Sheeshey Ka Gardaab Ban Kar Machalna
Woh Gir Gir Ke Khud Saaqiya Ka Sanbhalna
Kamar Ko Woh Is Tarah Bal De Ke Chalna
Keh Kasti Chali Jae Jaise Kamaani
Buhat Yaad Aati Hain Batein Purani

نہ وہ دل، نہ وہ دل کی نادانیاں ہیں
نہ وہ ہم، نہ وہ بزم سامانیاں ہیں
نہ وہ دوستوں کی گُل افشانیاں ہیں
نہ وہ فکرِ رنگیں کی جولانیاں ہیں
گئی شعر گوئی، رہی نوحہ خوانی
بہت یاد آتی ہیں باتیں پرانی

Na Woh Dil,Na Woh Dil Ki Na-Daniyan Hain
Na Woh Hum,Na Woh Bazm Samaniyan Hain
Na Woh Doston Ki Gul-Afshaniyan Hain
Na Woh Fikr-e-Rangeen Ki Jolaniyan Hain
Gai Shair-Goi,Rahi Nooha-Khwani
Buhat Yaad Aati Hain Batein Purani
Jan Nisar Akhtar

جاں نثار اختر