Dushman ko Haarne Se Bachana Ajeeb Tha,Tark e Madafa'at ka Bahana Ajeeb Tha

دشمن کو ہارنے سے بچانا عجیب تھا
ترک مدافعت کا بہانا عجیب تھا

اک دوسرے کو جان نہ پائے تمام عمر
ہم ہی عجیب تھے کہ زمانہ عجیب تھا

زندہ بچا نہ قتل ہوا طائر امید
اس تیر نیم کش کا نشانہ عجیب تھا

سنتے رہے اخیر تلک مہر و ماہ ونجم
اس خاکداں کا سارا فسانہ عجیب تھا

جس راہ سے کبھی نہیں ممکن ترا گزر
تیرے طلب گروں کا ٹھکانہ عجیب تھا

اب کے تو یہ ہوا ہے کہ میرے بلانے سے
اس زود رنج شخص کا آنا عجیب تھا

کھونا تو خیر تھا ہی کسی دن اسے مگر
ایسے ہوا مزاج کا پانا عجیب تھا۔

سب داغ بارشوں کی ہوا میں بجھے رہے
بس دل کا ایک زخم پرانا عجیب تھا۔۔۔

پروین شاکر