H’waa Dam Saadh Leti Hey To Phir Hoo Boltey Hei’n Shajar Yu’n Boltey Hei’n Jesey Saadhoo Boltey Hei’n

ھوا دم سادھ لیتی ھے تو پھر ھُو بولتے ھیں
شجر یُوں بولتے ھیں جیسے سادُھو بولتے ھیں

تُم اُس کے شہر کو دو باتوں سے پہچان لینا
کہ گلیاں صاف ھیں اور لوگ اُردو بولتے ھیں

تُم آنکھوں سے جو کرتے ھو اُسے کیا نام دیں ھم ؟
ھمارے شہر میں تو اس کو جادُو بولتے ھیں

بہت شہروں میں شُہرہ ھے مِرے شعروں کا لیکن
مِرے ماں باپ اب بھی مُجھ کو بُدّھو بولتے ھیں

سرِ شب باغ میں جاؤ تو سُننا آنکھ سے تُم
وہ جگ مگ نُور کی بھاشا جو جگنو بولتے ھیں

نہیں ھے استعاروں کی خبر ھم جاھلوں کو
مگر ھم آپ کی آنکھوں کو خوشبُو بولتے ھیں

اُنہی کے مُوڈ پر ھے مُنحصر طرزِ تخاطب
کبھی وہ آپ کہتے ھیں، کبھی تُو بولتے ھیں

اچانک اُڑ گئی جب سے تری یادوں کی کوئل
شبستانِ غزل میں تب سے اُلو بولتے ھیں

الف بے کے بجائے اس میں ھوتے ھیں خدوخال
سمجھتا ھُوں بدن بولی جو خُوش رُو بولتے ھیں

رحمان فارس

H’waa Dam Saadh Leti Hey To Phir Hoo Boltey Hei’n
Shajar Yu’n Boltey Hei’n Jesey Saadhoo Boltey Hei’n

Tum Us Key Shehr Ko Do Baato’n Sey Pehchaan Lena
K Gliyaa’n Saaf Hei’n Aur Log Urdu Boltey Hei’n

Tum Aankho’n Sey Jo Kartey Ho Usey Kya Naam Dei’n Ham ?
H’maarey Shehr Mei’n To Is Ko Jaadoo Boltey Hei’n

Bohot Shehro’n Mei’n Shohra Hey Mrey Shero’n Ka Lekin
Mrey Maa’n Baap Ab Bhi Mujh Ko Buddhoo Boltey Hei’n

Sar-e-Shab Baagh Mei’n Jaao To Sun’naa Aankh Sey Tum
Wo Jag-Mag Noor Ki Bhaasha Jo Jugnoo Boltey Hei’n

Nahi’n Hey Iste’aaro’n Ki Khabar Ham Jaahilo’n Ko
Magar Ham Aap Ki Aankho’n Ko Khushboo Boltey Hei’n

Unhi Key Mood Per Hey Munhasir Tarz-e-Tkhaatub
Kabhi Wo Aap Kehtey Hei’n, Kabhi Tu Boltey Hei’n

Achaanak Ur Gai Jab Sey Tri Yaado’n Ki Koyel
Shabistaan-e-Ghazal Mei’n Tab Sey Ullu Boltey Hei’n

Alif Bey Key Bjaaey Is Mei’n Hotey Hei’n Khad-o-Khaal
Samajhta Hu’n Badan-Boli Jo Khush-Roo Boltey Hei’n

RehmanFaris