Kia Cheez Thi Kia Cheez Thi Zalim Ki Nazar Bhi Uff Kar K Wahein Baith Gaya Dard e Jigar Bhi

کیا چیز تھی، کیا چیز تھی ظالم کی نظر بھی 

اُف کر کے وہیں بیٹھ گیا دردِ جگر بھی

 Kia Cheez Thi  Kia Cheez Thi Zalim Ki Nazar Bhi

Uff Kar K Wahein Baith Gaya Dard e Jigar Bhi

یہ مجرمِ الفت ہے، تو وہ مجرمِ دیدار
دل لے کے چلے ہو تو لیے جاؤ نظر بھی
Ye Mujrim e Ulfat Hai Tou Woh Mujrim e Deedaar

Dil Le K Chaly Ho Tou Liye Jao Nazar Bhi

کیا دیکھیں گے ہم جلوہِ محبوب کہ ہم سے
دیکھی نہ گئی دیکھنے والے کی نظر بھی
Kia Dekhengy Hum Jalwa e Mahboob Keh Hum Se

Dekhi Na Gai Dekhny Wale Ki Nazar Bhi

مایوس شبِ ہجر نہ ہو اے دلِ بے تاب
اللہ دکھائے گا تو دیکھیں گے سحر بھی
Mayoos Shab e Hijar Na Ho Ay Dil e Be-Taab

ALLAH Dekhaye Ga Tou Dekhengy Sahar Bhi

جلووں کو ترے دیکھ کے جی چاہ رہا ہے
آنکھوں میں اتر آئے مرا کیفِ نظر بھی
Jalwoun Ko Tere Dekh K Jee Chaah Raha Hai

Aankhon Mein Utar Aae Mera Kaif e Nazar Bhi

واعظ نہ ڈرا مجھ کو قیامت کی سحر سے
دیکھی ہے ان آنکھوں نے قیامت کی سحر بھی
Wa'aiz Na Dara Mujh Ko Qayamat Ki Sahar Se

Dekhi Hai Inn Aankhon Ne Qayamat Ki Sahar Bhi

اُس دل کے تصدق جو محبت سے بھرا ہو
اُس درد کے صدقے جو ادھر بھی ہو اُدھر بھی

Uss Dil Ki Tasaduq Jo Muhabbat Se Bhara Ho

Uss Dard K Sadqy Jo Idhar Bhi Ho Udhar Bhi