Mujhe Yadon Se Nafrat Hai,Mujhe Baton Se Nafrat Hai

 ‎مجھے یادوں سے نفرت ہے
‎مجھے باتوں سے نفرت ہے
‎سبھی دعووں سے نفرت ہے
‎قسم وعدوں سے نفرت ہے

‎ہر اس لمحے سے نفرت ہے
‎جو تیری یاد میں گذرے
‎ہر اس خواہش سے نفرت ہے
‎جو تیری چاہ میں ابھرے
‎ہر اس آنسو سے نفرت ہے
‎جو تیرے غم میں بہتا ہے
‎مجھے اس دل سے نفرت ہے
‎جو تیرے درد سہتا ہے
‎اور
‎جو سارے درد سہہ کر بھی
‎ابھی تک کیوں دھڑکتا ہے

‎مجھے نفرت دلیلوں سے, جوازوں سے, حوالوں سے
‎مجھے نفرت مثالوں سے, جوابوں سے, سوالوں سے
‎ضوابط اور اصولوں سے
‎یہ سب جھوٹے دلاسے ہیں
‎یہ سب ہیں کھوٹ نیت کا

‎مجھے نفرت اناؤں سے, خطاؤں سے, جفاؤں سے
‎مجھے نفرت دعاؤں سے, وفاؤں سے, صداؤں سے
‎مجھے مقہور رہنا ہے, مجھے مجبور رہنا ہے
‎مجھے نفرت اجالوں سے, گھٹاؤں سے, ہواؤں سے
‎مجھے تاریکیاں دے دو, مجھے محبوس رہنا ہے
‎مجھے بارش سے نفرت ہے
‎کہ عادت تشنگی کی ہے
‎بہاروں سے بھی نفرت ہے
‎کہ میرے دل کے آنگن میں
‎خزاں کےبعد پھر سے اک خزاں کا دور آتا ہے
‎وہی سورج, وہی ہے چاند
‎میری روشن محبت کے , کبھی جو استعارے تھے
‎مجھے ان سب سے نفرت ہے, مجھے یوں تونے گہنایا
‎مجھے نفرت ہے محفل سے, تکلم سے, تبسم سے
‎مجھے تنہائیاں دے دو, مجھے خاموش رہنا ہے

‎مجھے نفرت بصارت سے, جو تیری دید کی پیاسی
‎مجھے نفرت سماعت سے, تجھے سننے کو جو ترسے
‎لبوں سے مجھ کو نفرت ہے, جو تیری آہ بھرتے ہیں
‎سبھی جذبوں سے نفرت ہے, جو تیری چاہ کرتے ہیں
‎مجھے نفرت ہے منزل سے, مجھے نفرت سفر سے ہے
‎مجھے نفرت بھٹکنے سے, تڑپنے سے, سسکنے سے
‎میرا رخت سفر نفرت, مجھے پر درد رہنا ہے
‎مجھے آنکھوں سے نفرت ہے
‎یہ تیرے خواب جب دیکھیں
‎مجھے خوابوں سے نفرت ہے
‎گر ان میں تو نظر آۓ
‎مجھے نیندوں سے نفرت ہے
‎تیرے سپنے یہ لاتی ہیں
‎بےخوابی سے بھی نفرت ہے
‎ترے غم جو جگاتی ہے

‎سبھی گیتوں سے نفرت ہے
‎جو تیرے سنگ گاۓ تھے
‎سبھی شعروں سے نفرت ہے
‎کبھی تجھ کو سناۓ تھے
‎مجھے رنگوں سے نفرت تھے
‎جو تجھسنگ جھلملاۓ تھے
‎مجھے محلوں سے نفرت ہے
‎جو خوابوں میں سجاۓ تھے
‎ادھورے پن سے نفرت ہے
‎مجھے لفظوں سےنفرت ہے
‎جو میرا درد کہتے ہیں
‎غزل, نظموں سےنفرت ہے
‎جو تیرا نام نہ لے کر
‎تیرےخاطر ہی بنتے ہیں

‎مجھے اب خود سے نفرت ہے
‎کیوں تیری منتظر ہوں
‎محبت سے بھی نفرت ہے
‎کہ جو میں تجھ سے کربیٹھا
‎مجھے جینے سے نفرت ہے
‎ہجر کی تلخیوں کا زہرسے
نفرت ہے