ھر چیز مُشترک تھی ھماری سِوائے نام
اور آج رہ گیا ھے تعلُّق برائے نام
اشیائے کائنات سے نا آشنا تھا مَیں
پھر ایک اِسم نے مُجھے سب کے سِکھائے نام
تب مَیں کہوں کہ سچّا ھُوں یک طرفہ عشق میں
وہ میرا نام پُوچھے، مُجھے بُھول جائے نام
وہ دلرُبا بھی تھی کسی شاعر کی کھوج میں
مَیں نے بھی پھر بتایا تخلّص بجائے نام
محفِل میں چُپ بھی بیٹھوں تو پہچانتے ھیں لوگ
بدنام ھو کوئی تو کہاں تک چُھپائے نام
لشکر بنا رھا ھُوں جوانانِ عشق کا
جس میں بھی آگ ھے، مُجھے مِل کر لکھائے نام
مَیں نام رکھ نہ پایا گُلِ نَو شگُفتہ کا
حالانکہ شاخِ گُل نے ھزاروں سُجھائے نام
تُو عشق پائے عشق کے مرنے کے بعد بھی
فارس ! مزارِ دل پہ ترا جگمگائے نام
رحمان فارس
Har Cheez Mushtarik Thi Hamaari Siwaaey Naam
Aur Aaj Reh Gaya Hai Ta'alluq Braaey Naam
Ashyaa-e-Kaainaat Se Naa-Aashna Tha Main
Phir Aik Ism Ne Mujhey Sab Ke Sikhaaey Naam
Tab Main Kahon Keh Saccha Hon Yak-Tarfa Ishq Mein
Woh Mera Naam Poochhey, Mujhey Bhool Jaaey Naam
Woh Dilrubaa Bhi Thi Kisi Shaair Ki Khoj Mein
Main Ne Bhi Phir Btaaya Takhallus Bajaaey Naam
Mehfil Mein Chup Bhi Bethon Toh Pehchaantey Hein Log
Badnaam Ho Koi Toh Kahan Tak Chhupaaey Naam
Lashkar Banaa Raha Hoon Jawaanaan-e-Ishq Ka
Jis Mein Bhi Aag Hai, Mujhey Mil Kar Likhaaey Naam
Main Naam Rakh Na Paaya Gul-e-Nau-Shagufta Ka
Haalankey Shaakh-e-Gul Ne Hazaaron Sujhaaey Naam
Tu Ishq Paaey Ishq Ke Marney K Baad Bhi
Faris ! Mazaar-e-Dil Pe Tera Jagmagaaey Naam
Rehman Faris
No comments:
Post a Comment