Daleelon Mein Sare Humein Baat De Den Raqeebon Ka Seena Kitabon Bhara Hai

جدھر رخ کرو یہ عذابوں بھرا ہے
جہاں اب یہ سارا عتابوں بھرا ہے

دیے ہیں کہ جگنو کہ دل جل رہے ہیں
نگر میرا ظالم سرابوں بھرا ہے

دلیلوں میں سارے ہمیں مات دے دیں
رقیبوں کا سینہ کتابوں بھرا ہے

یہاں کوئی وقعت کہاں ہے ہماری
ہر اک آسماں آفتابوں بھرا ہے

مرے ہاتھ گر خار ہی خار آئیں
تو طے ہے چمن یہ گلابوں بھرا ہے

 اتباف ابرک