Shehar k dukandaro Karobar e ulfat mein Sood kia ziyan kia hai Tum na jaan pao ge

شہر کے دوکاندارو کاروبارِ الفت میں

سود کیا زیاں کیا ہے
تم نہ جان پاؤ گے

دل کے دام کتنے ہیں خواب کتنے مہنگے ہیں
اور نقدِ جاں کیا ہے
تم نہ جان پاؤ گے
کوئی کیسے ملتا ہے پھول کیسے کھلتا ہے
آنکھ کیسے جھکتی ہے سانس کیسے رُکتی ہے
کیسے رہ نکلتی ہے کیسے بات چلتی ہے
شوق کی زباں کیا ہے
تم نہ جان پاؤ گے
وَصل کا سکوں کیا ہے ہجر کا جنوں کیا ہے
حُسن کا فسوں کیا ہے عشق کے دروں کیا ہے
تم مریضِ دانائی مصلحت کے شیدائی
راہِ گمراہاں کیا ہے
تم نہ جان پاؤ گے
زخم کیسے پھلتے ہیں داغ کیسے جلتے ہیں
درد کیسے ہوتا ہے کوئی کیسے روتا ہے
اشک کیا ہیں نالے کیا دشت کیا ہیں چھالے کیا
آہ کیا فغاں کیا ہے
تم نہ جان پاؤ گے
نا مُرادِ دل کیسے  صبح شام کرتے ہیں
کیسے زندہ رہتے ہیں اور کیسے مرتے ہیں
تم کو کب نظر آئی غمزدوں کی تنہائی
زیست بے امان کیا ہے
تم نہ جان پاؤگے
جانتا ہوں میں تم کو ذوقِ شاعری بھی ہے
شخصیت سجانے میں اِک یہ ماہری بھی ہے
پھر بھی حرف چُنتے ہو صرف لفظ سُنتے ہو
اِن کے درمیاں کیا ہے
تم نہ جان پاؤ گے

جاوید اختر

  Shehar k dukandaro
Karobar e ulfat mein
Sood kia ziyan kia hai
Tum na jaan pao ge
Koi kesy milta hai
Phool kesy khilty hain
Ankh kesy jhukti hai
Sans kesy rukti hai
 Kesy raah nikalti hai
Kesy baat chalti hai
Shoq ke zuban kia hai
Tum na jaan pao gy
Visal ka sakoon kia hai
Hijar ka janoon kia hai
Tum mareez e danai
Maslihat k shidai
Rah e gumraha kia hai
Tum na jaan pao gy
Zakham kesy phelty hain
Dagh kesy jalty hain
Dard kesy hota hai
Koi kesy roota hai
Ashak kia hain naaly kia
Dashat kia hain chally kia
Aah kia, fugah kia hai
Tum na jaan pao gy
Na-Murad dil kest
Subha sham karty hain
Kesy zinda rehty hain
Or kesy marty hain
Tum ko kab nazar aai
Ghamzadoo ke tanhai
Zeest be amman kia hai
Tum na jaan pao gy
Jannta hon main tum ko
Zouq e shairi bhe hai
Sakhsiat sajane main
Ik ye mahiri bhe hai
Phir bhe harf chunty ho
Sirf lafz sunty ho
Un k darmiyan kia
Tum na jaan pao ge

Javed Akhtar