Hum Keh Rahon Ki Dhool Niklengy Manzilon Par Fazool Niklengy

ہم کہ راہوں کی دھول نکلیں گے
منزلوں پر فضول نکلیں گے

دنیا داری اصول دنیا کا
یعنی ہم بے اصول نکلیں گے

یونہی کیجے نہ شول سے شکوہ
چبھ رہے ہیں جو پھول نکلیں گے
کیا تماشا ہے ، سب تماشائی
ہنستے آئے ، ملول نکلیں گے
ہے کہانی کا اختتام کہ ہم
حسنِ جاناں کی بھول نکلیں گے
ان کو ہے وہم پل صراط بھی وہ
باتوں باتوں میں جھول نکلیں گے
جیسے کر لیجئے حساب مرا
وہی حاصل وصول نکلیں گے
جسم، جاں، دل ہیں چیز کیا ابرک
روح تک وہ حلول نکلیں گے
اتباف ابرک