ضبط کے امتحان سے نکلا
پھُول آخر چٹان سے نکلا
Zabt Ke Imtehan Se Nikla
Phool Aakhir Chatan Se Nikla
نہ نکلنے پہ تھا بضِد سُورج
پھر کسی کی اذان سے نکلا
Na Nikalne Pe Tha Bazid Soraj
Phir Kisi Ki Aazaan Se Nikla
شجرہ دیکھا گیا تو پتھّر بھی
پھُول کے خاندان سے نکلا
Shajara Dekha Gaya Tou Pathar Bhi
Phool Ke Khandan Se Nikla
اب مکمل ھوئی ھے یکجائی
عشق بھی درمیان سے نکلا
Ab Mukamal Hoi Hai Yakjaai
Ishq Bhi Darmiyan Se Nikla
دے گیا آنکھ کو نمی کا وقار
سچا آنسُو تھا ، شان سے نکلا
De Gaya Aankh Ko Nami Ka Waqar
Sacha Aansoo Tha Shaan Se Nikla
دیکھتا تھا چراغ بن کر مَیں
سایہ سا اُس مکان سے نکلا
Dekhta Tha Chiraagh Ban Kar Main
Saaya Sa Uss Makan Se Nikla
کیا کہا اب مری ضرورت نئیں ؟؟
جا..... تُو میری امان سے نکلا
Kia Kaha Ab Meri Zarorat Naein??
Ja .....Tu Mere Amaan Se Nikla
میری دستک پہ رات عکس ترا
آئنے کے جہان سے نکلا
Meri Dastak Pe Raat Aks Tera
Aainey Ke Jahan Se Nikla
اُن لبوں پر یقین کرکے مَیں
شہرِ وھم و گمان سے نکلا
Unn Labon Par Yaqeen Kar Ke Main
Shehar e Waham o Gumaan Se Nikla
داستاں گو کو مارنے کے لیے
سامری داستان سے نکلا
Dastaan Go Ko Marne Ke Liye
Samri Dastaan Se Nikla
تِیر سا کچھ پلک جھپکتے ھی
ابرُووں کی کمان سے نکلا
Teer Sa Kuch Palak Jhapakty Hi
Aabroun Ki Kamaan Se Nikla
گو نکالا گیا وھاں سے مگر
مَیں بڑی آن بان سے نکلا
Go Nikala Gaya Wahan Se Magar
Main Badi Aan Baan Se Nikla
جس کو پاتال میں کِیا تھا دفن
ساتویں آسمان سے نکلا
Jis Ko Pataal Mein Kia Tha Dafan
Saatwen Aasman Se Nikla
جان تن سے نکل گئی لیکن
تُو نہیں میرے دھیان سے نکلا
Jaan Tan Se Nikal Gayi Lekin
Tu Mere Dhyan Se Nikla
اب ھُوں نادم کہ طیش میں فارس
جانے کیا کیا زبان سے نکلا
Ab Hoon Nadim Keh Taish Mein FARIS
Jane Kia Kia Zubaan Se Nikla
رحمان فارس
Rehman Faris
No comments:
Post a Comment