سخت مشکل میں ہوں اِک خواہشِ سادہ کر کے
توڑ بیٹھی ہوں کئی بار ارادہ کر کے
میں جسے اپنی محبت کی اکائی سمجھوں
وہ کہیں اور بھی گم ہےمجھے آدھا کر کے
میں بھی کیا نقش ہوں اَزبر نہیں ہونے پاتی
اور وہ بھول بھی جاتا ھے اعادہ کر کے
وہ جو اک شخص مری مُٹھی میں آ جاتا تھا
کھو رھی ہوں میں اسے دل کو کشادہ کر کے
اس کے خوابوں سے رہائی نہیں ہونے پاتی
توڑ دیتی ہوں میں خود سے یہی وعدہ کرکے
دل کی ہر راہ اسی سمت میں جاتی دیکھوں
مانتا پھر نہیں دل خود کو آمادہ کرکے
اس کی راہوں میں فقط دھول ہوئے جاتے ہیں
خس و خاشاک کو چہرے پہ لبادہ کرکے
No comments:
Post a Comment