Pehle Jo Tha Woh Sirf Tumhari Talash Thi Lekin Jo Tum Se Mil Ke Hoa Hai Ye Ishq Hai

پہلے جو تھا، وہ صرف تمہاری تلاش تھی 

لیکن جو تم سے مل کے ہُوا ہے، یہ عشق ہے

کیا رمز جاننی ہے تجھے اصل ِ عشق کی؟
جو تجھ میں اس بدن کے سوا ہے، یہ عشق ہے
شہرت سے تیری خوش جو بہت ہے، یہ ہے خرد
اور یہ جو تجھ میں تجھ سے خفا ہے، یہ عشق ہے
ادراک کی کمی ہےسمجھنا اسے مرض
اس کی دعا، نہ اس کی_ دوا ہے، یہ عشق ہے
یعنی کہ کچھ بھی اُس کے سِوا سوجھتا نہیں؟
ہاں تو جناب، مسئلہ کیا ہے؟ یہ عشق ہے
جو عقل سے بدن کو ملی تھی، وہ تھی ہوس
جو روح کوجنوں سے ملا ہے، یہ عشق ہے
اس میں نہیں ہے دخل کوئی خوف و حرص کا
اس کی جزا، نہ اس کی سزا ہے، یہ عشق ہے
ہوتااگر کچھ اور تو  ہوتا انا پرست
اِس کی رضا شکست ِ انا ہے، یہ عشق ہے