Dasht e Khuwahish Mein Kahein Se Tou Sada Dy Koi Main Kahan Hoon Mujhe Itna Hi Bata Dy Koi

دشتِ خواہش میں کہیں سے تو صــدا دے کوئی
میں کہـــــاں ہوں مجھے اِتنا ہی بتــــا دے کوئی
دل میں جو کچھ ہے زباں تک نہ وہ آنے پـــائے
کاش ہونٹوں پہ مرے مُہر لــــــــــــگا دے کوئی
فصــــل ساری ہے تمنّــــــــاؤں کی یک جا میری
میرا کھلیــــــــــان نہ بے درد جـــــلا دے کوئی
میں بتــــــاؤں گا گئی رُت نے کیـــــا ہے کیا کیا
میرے چہرے سے جمی گرد ہٹـــــــا دے کوئی
موســــــــــمِ گل نہ سہی، بــــــــادِ نم آلود سہی
شــــــــــاخِ عریاں کو دلاســــہ تو دلا دے کوئی
ہے پس و پیش جو اپنـــــــــــــــــا یہ مقّدر ماجدؔ
آخری تیر بھی ترکش سے چـــــــــــلا دے کوئی
ماجد صدیقی