مفلسی اور کس کو کہتے ہیں
دولتوں کا حساب کرتے ہو
خار کی نوک کو لہو دے کر
انتظارِ گلاب کرتے ہو
یہ نئی احتیاط دیکھی ہے
آئنے سے حجاب کرتے ہو
کیا ضرورت ہے بحث کرنے کی
کیوں کلیجہ کباب کرتے ہو
ہو چکا جو حساب ہونا تھا
اور اب کیا حساب کرتے ہو
کتنے بے رحم ہو عدمؔ تم بھی
ذکرِ عہدِ شباب کرتے ہو
Muflasi ore kis ko kehtay hain
doltoon ka hisab kartay ho
khar ki nok ko laho day kar
intezar e gulaab kartay ho
ye nai ihtiyat daikhi hai
aaienay say hijab kartay ho
kiya zarorat hai bahas karnay ki
kiuon kalija kabab kartay ho
ho chuka jo hisaab hona tha
ore ab kiya hisaab kartay ho
kitnay be-raham ho Adam tum bhi
zikr e aihd e shabab kartay ho
Abdul Hameed Adam
No comments:
Post a Comment