شرابی میں شرابی
Sharaabi Main Sharaabi
اپنی گردن جھکا کے پیتے ہیں
ہم مصلےٰ بچھا کے پیتے ہیں
Apni Gardan Jhuka Ke Peetay Hein
Hum Musalla Bicha Ke Peetay Hein
سجدہ کرتے ہیں دن میں جی بھر کے
رات بھر جی لگا کے پیتے ہیں
Sajdah Kartey HeinDin Mein Jee Bhar Ke
Raat Bhar Jee Laga Ke Peetay Hein
کھینچئے انتظارِ ساغر آپ
ہم صراحی اٹھا کے پیتے ہیں
Kijiye Intezar e Saghar Aap
Hum Surahi Utha Ke Peetay Hein
مے کدے میں کہاں ہماری شراب
روز مقتل میں جا کے پیتے ہیں
Mai-Kaday Mein Kahan Humari Sharaab
Roz MaqtalMein Ja Ke Peetay Hein
رہ گئے شیخ جی وضو کرتے
ہم لہو میں نہا کے پیتے ہیں
Reh Gaye Sheikh Jee Wazo Karte
Hum Lahoo Mein Naha Ke Peetay Hein
بیَن کرتی ہے قلقلِ مینا
ہم بھی آنسو بہا کے پیتے ہیں
Bain Karti Hai Qulqul e Maina
Hum Bhi Aansoo Baha Ke Peetay Hein
روشنی کو فروغِ مے ہے بہت
لو، دیا ہم بجھا کے پیتے ہیں
Roshni Ko Farogh Mai Hai Buhat
Lou , Diya Hum Bujha Ke Peetay Hein
استقامت شراب دیتی ہے
پاؤں ہم بھی جما کے پیتے ہیں
Isteqamat Sharaab Deti Hai
Paoun Hum Bhi Jama Ke Peetay Hein
ہم کو چڑھتی ہے اس لئے بھی کہ ہم
اپنی ہستی گھٹا کے پیتے ہیں
Hum Ko Charhti Hai Is Liye Bhi Keh Hum
Apni Hasti Ghata Ke Peetay Hein
آپ سمجھیں گے کیا مری مستی
آپ پانی ملا کے پیتے ہیں
Aap Samjheingy Kia Meri Masti
Aap Paani Mila Ke Peetay Hein
عارف امام
Arif Imam
No comments:
Post a Comment