نہ چھیڑو ذکر دسمبر کی سرد راتوں کا
کسی کی پیار بھری نرم گرم باتوں کا
شبِ وصال سُنا ہے سوال پوچھو گے
جواب دو گے ہماری بھی چند باتوں کا
پسِ نقاب بھی عاشق تو پا گئے تم کو
ہوا ہے فائدہ کیا اتنی احتیاطوں کا
گِلہ ہے آپ ہی سے آپ کے تغافل کا
بُرا نہ مانیٔے اتنا ہماری باتوں کا
عجیب کھیل میں دنیا گزر گئی ارشد
نہ فخر جیت کا کوئی نہ رنج ماتوں کا
مرزا ارشد علی بیگ
آڈبان ، پینسلوانیا
دسمبر ٣١، ٢٠٢٠
No comments:
Post a Comment