Bheed Mein Aik Shaks Ko Sab Hi Say Hat K Daikhna Jab Woh Chala Gaya Tou Kiya' Us Ko Palat K Daikhna

غزل
بھِیڑ مِیں ایک  شخص کو سب ہی سے  ہٹ کے دیکھنا
جب وہ   چلا  گیا  تو  کیا  ، اُس   کو   پلٹ کے دیکھنا
۔
آنکھ میں اشک تھا بھرا ، لب پہ ہنسی بھی تھی عیاں
ایسے  مِیں  کشمَکش کا  یہ ،  دل سے  لِپٹ کے دیکھنا
۔
چہرے پہ  چہرہ  ہے سَجا ، کس پہ کریں بھروسہ پھر
چہرہ   کُھلی  کتاب  ہے ، چہرے  کو  رٹ  کے  دیکھنا
۔
کینہ ،   حسد ،   دَروغ     کے   تیَغ و کمان و تیِر  تھے
سچ  کے   مَحاذِ جنگ  پر    تنہا   وہ  ڈٹ کے  دیکھنا
۔
پیار   کو    بانٹنے    سے   ہی   پیار  مزید  پائیں  گے
سوچ   کے بات اک  یہی  رشتوں مِیں بٹ کے دیکھنا
۔
بیٹھے  تھے آستین  مِیں  بَن  کے  جو  میرے  مہرباں
میرے ہی دوست تھے وہ  اُن سے کیا نِمٹ کے دیکھنا
۔
تنگ   تھے  شورِ زیست  سے ،  قہقَہے  اور   بزم   سے
یاد   ہے    اپنی   ذات   مِیں  ،  آپ  سِمٹ کے  دیکھنا
۔
کہتے  گناہ گار   تھے    روح    تھی    اک   فقیر   کی
اُس کو جہاں کی آنکھ سے ، میرا وہ کٹ کے  دیکھنا
۔
راہ ِ طَرب    سؔبیلہ   بس   چند   قَدم   کے   بعد   ہے
اپنی    کتاب ِ زیست   کا  صفحہ   اُلٹ   کے   دیکھنا
سؔبیلہ انعام صدیقی

Ghazal
Bheed Mein Aik Shaks Ko Sab Hi Say Hat K Daikhna
Jab Woh Chala Gaya Tou Kiya' Us Ko  Palat K Daikhna

Aankh Mein Askh  Tha Bhara ، Lab Pay Hansi Bhi Thi Ayan
Aisay Mein Kashmakash Ka Ye ، Dil Say Lipat K Daikhna

Chahray Pay Chahra Hai Saja ، Kis Pay Karain Bharosa Phir
Chahra Khuli Kitab hai ،Chahray Ko Rat K Daikhna

Keena ، Hasad ، Darogh K Taigh_o_ Kaman_o_Teer Thay
Sach K Mahaz_e_ Jang Par Tanha Woh Datt K Daikhna

Piyar Ko  Bantnay Say Hi Piyar Mazeed Paien Gay
Soach K Bat Ik Yahi ، Rishton Mein Bat K Daikhna

Baitay Thay Aasteen Mein Ban K Jo Meray Mahrban
Meray Hi Dost Thay Woh Un Say Kiya Nimatt K Daikhna

Tang Thay Shor _e_ Zeest Say ، Qahqahay Aur Bazm Say
Yaad Hai Apni Zaat Mein ، Aap  Simat  K Daikhna

Kahtay Gunahgar Thay ، Rooh Thi Ik Faqeer Ki
Us Ko Jahan Ki Aankh Say Mera Woh Cut K Daikhna

Rah_e_ Tarab Sabeela Bas، Chand Qadam K Bad Hai
Apni Kitab_e_ Zeest Ka،  Safha Palat K Daikhna
Sabeela Inam Siddiqui