Khoon Ke Cheentay Kahein Pooch Na Lein Rahon Se Kis Ne Weeraney Ko Gulzaar Banaya Hoga

 

 31 

 مارچ 1972

*سنجیدہ عظیم اداکارہ، ملکٔہِ جذبات، المعروف ملکٔہ غم، مشہور شاعرہ ” مینا کماری نازؔ صاحبہ “ کا یومِ وفات*
اپنی سنجیدہ اداکاری سے ناظرین کے دلوں کو چھو لینے والی عظیم اداکارہ *مینا کماری* حقیقی زندگی میں *’’ملکہِ جذبات* کے نام سے مشہور ہوئیں لیکن  وہ چھ ناموں سے جانی جاتی تھیں۔ وہ ممبئی میں *یکم؍اگست ١٩٣٢ء* کو ایک درمیانے طبقے کے مسلم خاندان میں *مینا کماری* جب پیدا ہوئیں تو باپ *علی بخش* اور ماں *اقبال بانو* نے ان کا نام *ماہ جبیں* رکھا۔بچپن کے دنوں میں مینا کماری کی آنکھیں بہت چھوٹی تھیں اس لئے خاندان والے انہیں *چینی* کہہ کر پکارا کرتے تھے۔ ایسا اس لئے کہ چینی لوگوں کی آنکھیں چھوٹی ہوا کرتی ہیں ۔ تقریبا ًچار سال کی عمر میں ہی *مینا کماری* نے فلموں میں اداکاری کرنی شروع کر دی تھی۔ پرکاش پکچرس کے بینر تحت بنی فلم *’’لیدر فیس‘‘* میں ان کا نام *بیبی مینا* رکھا گیا۔اس کے بعد مینا نے *بچوں کا کھیل* میں بطور اداکارہ کام کیا۔ اس فلم میں انہیں * مینا کماری* کا نام دیا گیا۔
*مینا کماری* کو فلموں میں اداکاری کرنے کے علاوہ شعرو شاعری کا بھی بے حد شوق تھا۔ اس کیلئے وہ * نازؔ * تخلص لکھتی تھیں۔ مینا کماری کے شوہر کمال امروہی پیار سے انہیں *منجو* کہہ کر بلایا کرتے تھے۔ اپنی سنجیدہ اداکاری سے ناظرین کے دلوں میں خاص جگہ بنانے والی مینا کماری نے *٣١؍ مارچ ١٩٧٢ء* کو دنیا کو الوداع کہہ دیا۔ اپنی بہترین اداکاری سے شائقین کا دل جیتنے والی *’’ملکہ جذبات‘‘* مینا کماری کو ان کے والد بیٹے کی چاہ میں ہوتے ہی یتیم خانے چھوڑ آئے تھے۔ 1939 میں بطور چائلڈ سٹار مینا کماری کو وجے بھٹ کی فلم لیدر فیس  میں کام کرنے کا موقع ملا۔1952 میں مینا کماری کو وجے بھٹ کی ہدایت میں ہی *بیجو باورا * میں کام کرنے کا موقع ملا۔فلم کی کامیابی کے بعد مینا کماری بطور اداکارہ فلم انڈسٹری میں اپنی شناخت بنانے میں کامیاب ہو گئیں
 

**********************

 

**********************

 
 *معروف شاعرہ مینا کماری نازؔ کے یومِ وفات پر منتخب اشعار بطورِ خراجِ عقیدت
آبلہ پا کوئی اس دشت میں آیا ہوگا
ورنہ آندھی میں دیا کس نے جلایا ہوگا
*Aabla Paa Koi Iss Dasht Mein Aaya Hoga*
*Warna Aandhi Mein Diya Kis Ne Jalaya Hoga*

**********************

 
*آغاز تو ہوتا ہے انجام نہیں ہوتا*
*جب میری کہانی میں وہ نام نہیں ہوتا*
*Aaghaaz Tou Hota Hai Anjaam Nahi Hota*
*Jab Mere Kahani Mein Woh Nam Nahi Hota*

**********************

 
*عیادت کو آئے شفا ہو گئی*
*مری روح تن سے جدا ہو گئی*
Iyadat Ko Aaye Shifa Ho Gai
Meri Rooh Tan Se Juda Ho Gai

**********************

 
ہنسی تھمی ہے ان آنکھوں میں یوں نمی کی طرح
چمک اٹھے ہیں اندھیرے بھی روشنی کی طرح
Hansi Thami Hai Un Aankhon Mein Yun Nami Ki Tarah
Chamak Uthay Hein Andhere Bhi Roshni Ki Tarah

**********************

 
کہیں کہیں کوئی تارہ کہیں کہیں جگنو
جو میری رات تھی وہ آپ کا سویرا ہے
Kahein Kahein Koi Tara Kahein Kahein Jugno
Jo Meri Raat Thi Woh Aapka Sawera Hai

**********************

 
تیرے قدموں کی آہٹ کو یہ دل ہے ڈھونڈتا ہر دم
ہر اک آواز پر اک تھرتھراہٹ ہوتی جاتی ہے
Tere Qadmon Ki Aahat Ko Ye Dil Hai Dhoondta Har Dum
Har Ik Aawaaz Par Ik Thar Tharahat Hoti Jati Thi

**********************

 
*عیادت  ہوتی  جاتی  ہے  عبادت ہوتی  جاتی  ہے*
*مرے مرنے کی دیکھو سب کو عادت ہوتی جاتی ہے*
Iyadat Hoti Jati Hai Ibadat Hoti Jati Hai
Mere Marne Ki Dekho Sab Ko Aadat Hoti Jati Hai

**********************

 
یوں تیری رہگزر سے دیوانہ وار گزرے
 کاندھے پہ اپنے رکھ کے اپنا مزار گزرے
Yun Teri Rahguzar Se Deewana-Waar Guzre
Kandhay Pe Apne Rakh Ke Apna Mazar Guzre

 **********************

نمی سی آنکھ میں اور ہونٹ بھی بھیگے ہوئے سے ہیں
یہ بھیگا پن ہی دیکھو مسکراہٹ ہوتی جاتی ہے
Nami See Aankh Mein Aur Hont Bhi Bheegay Hoe Se Hein
Ye Bheega-Pan Hi Dekho Muskurahat Hoti Jati Hai

**********************

یہ کیسی یاس ہے رونے کی بھی اور مسکرانے کی
یہ کیسا درد ہے کہ جھنجھناہٹ ہوتی جاتی ہے
Ye Kaise Yaas Hai Rone Ki Bhi Aur Muskurane Ki
Ye Kaisa Dard Hai Keh Jhunjhunahat Hoti Jati Hai
**********************

 
کبھی تو خوبصورت اپنی ہی آنکھوں میں ایسے تھے
کسی غم خانہ سے گویا محبت ہوتی جاتی ہے
Kabhi Tou Khobsorat Apni Hi Aankhon Mein Aise Thay
Kisi Gham-Khana Se Goya Muhabbat Hoti Jati Hai
**********************

 
خود ہی کو تیز ناخونوں سے ہائے نوچتے ہیں اب
ہمیں اللہ خود سے کیسی الفت ہوتی جاتی ہے
Khud Hi Ko Tez Nakhonon Se Haaye Nochtey Hein Ab
Humein ALLAH Khud Se Kaisi Ulfat Hoti Jati Hai
**********************

 
ذرے ذرے پہ جڑے ہوں گے کنوارے سجدے
ایک اک بت کو خدا اس نے بنایا ہوگا
Zare Zare Pe Judey Hongy Kanware Sajdey
Aik Ik Butt Ko Khuda Us Ne Banaya Hoga
 **********************

 
پیاس جلتے ہوئے کانٹوں کی بجھائی ہوگی
رستے پانی کو ہتھیلی پہ سجایا ہوگا
Piyas Jaltey Hoe Kanton Ki Bujhaai Hogi
Restey Pani Ko Hathaili Pe Sajaya Hoga
 **********************

 
مل گیا ہوگا اگر کوئی سنہری پتھر
اپنا ٹوٹا ہوا دل یاد تو آیا ہوگا
Mil Gaya Hoga Agar Koi Sunehri Pathar
Apna Toota Hoa Dil Yaad Tou Aaya Hoga
 **********************

 
خون کے چھینٹے کہیں پوچھ نہ لیں راہوں سے
کس نے ویرانے کو گل زار بنایا ہوگا
Khoon Ke Cheentay Kahein Pooch Na Lein Rahon Se
Kis Ne Weeraney Ko Gulzaar Banaya Hoga

**********************

 *مینا کماری نازؔ*
*Meena Kumari Naz*