Jaan Di , Di Hoi Usi Ki Thi Haq Tou Yun Hai Keh Haq Ada Na Hoa

درد مِنّت کشِ دوا نہ ہوا
میں نہ اچھا ہوا، برا نہ ہوا
Dard Minnat Kash e Dawa Na Hoa
Main Na Acha Hoa , Bura Na Hoa
جمع کرتے ہو کیوں رقیبوں کو
اک تماشا ہوا، گلا نہ ہوا
Jama Karte Ho Kion Raqeebon Ko
Ik Tamasha Hoa , Gila Na Hoa
ہم کہاں قسمت آزمانے جائیں
تو ہی جب خنجر آزما نہ ہوا
Hum Kahan Qismat Aazmanay Jaein
Tu Hi Jab Khanjar Aazmana Hoa
کتنے شیریں ہیں تیرے لب،کہ رقیب
گالیاں کھا کے بے مزا نہ ہوا
Kitnay Shereen Hein Tere Lab , Keh Raqeeb
Galiyan Kha Ke Be-Maza Na Hoa
ہے خبر گرم ان کے آنے کی
آج ہی گھر میں بوریا نہ ہوا
Hai Khabar Garam Unke Aanay Ki
Aaj Hi Ghar Mein Boria Na Hoa
کیا وہ نمرود کی خدائی تھی؟
بندگی میں مرا بھلا نہ ہوا
Kia Woh Namrood Ki Khudaai Thi?
Bandagi Mein Mera Bhala Na Hoa
جان دی، دی ہوئی اسی کی تھی
حق تو یوں ہے کہ حق ادا نہ ہوا
Jaan Di , Di Hoi Usi Ki Thi
Haq Tou Yun Hai Keh Haq Ada Na Hoa
زخم گر دب گیا، لہو نہ تھما
کام گر رک گیا، روا نہ ہوا
Zakham Gar Dab Gaya , Lahoo Na Thama
Kaam Gar Ruk Gaya , Rawa Na Hoa
رہزنی ہے کہ دل ستانی ہے؟
لے کے دل، "دلستاں" روانہ ہوا
Rahzani Hai Keh Dil Satani Hai ?
Le Ke Dil , " Dilistan " Rawana Hoa
کچھ تو پڑھیے کہ لوگ کہتے ہیں
آج غالبؔ غزل سرا نہ ہوا
Kuch Tou Parhiye Keh Log Kehtay Hein
Aaj GHALIB Ghazal Sara Na Hoa
مرزا اسد اللہ خاں غالب
Mirza Asadullah Ghalib