Kia Bheed Maikaday Ke Hai Dar Par Lagi Hoi Piyaso ! Sabeel Hai Sar e Kousar Lagi Hoi

کیا بھیڑ مے کدے کے ہے در پر لگی ہوئی
پیاسو! سبیل ہے سرِ کوثر لگی ہوئی
Kia Bheed Maikaday Ke Hai Dar Par Lagi Hoi
Piyaso ! Sabeel Hai Sar e Kousar Lagi Hoi

 
یہ کسی کی لَو ہے اے دلِ مضطر لگی ہوئی
اک آگ سی ہے سینے کے اندر لگی ہوئی
Ye Kis Ki Lou Hai Ae Dil e Maztar Lagi Hoi
Ik Aag See Hai Seenay Ke Andar Lagi Hoi

 
دل کیا کھلے مرا کہ تری زلف کی طرح
مضبوط اک گرہ ہے گرہ پر لگی ہوئی
Dil Kia Khuly Mera Keh Teri Zulf Ki Tarah
Mazboot Ik Girah Hai Girah Par Lagi Hoi

 
رکھے قدم سنبھل کے رہِ عشق میں وہی
آگے بھی جس کو ہو کبھی ٹھوکر لگی ہوئی
Rakhay Qadam Sanbhal Ke Rah e Ishq Mein Wahi
Aagay Bhi Jis Ko Ho Kabhi Thokar Lagi Hoi

 
یوں کون جانے دردِ محبت کو ناصحا
وہ جانے جس کے چوٹ ہو دل پر لگی ہوئی
Yun Kon Jane Dard e Muhabbat Ko Nasiha
Woh Jane Jis Ke Chout Ho Dil Par Lagi Hoi

 
یا رب ہو دل کی خیر کہ بے ڈھب کچھ آج کل
ہے گھات میں نگاہِ ستم گر لگی ہوئی
Ya Rab Ho Dil Ki Khair Keh Be-Dhab Kuch Aajkal
Hai Ghaat Mein Nigah e Sitamgar Lagi Hoi

 
میرا ہی سا ہو حال تمہارا بھی ناصحو
چیٹک تمہیں بھی عشق کی ہو گر لگی ہوئی
Mera Hi Sa Ho Haal Tumhara Bhi Nasiho
Chetak Tumhein Bhi Ishq Ki Ho Gar Lagi Hoi

 
گر زندگی خضر و مسیحا ہوئی تو کیا
ہے موت سب کے ساتھ مقرر لگی ہوئی
Gar Zindagi Khizar o Maseeha Hoi Tou Kia
Hai Mout Sab Ke Saath Muqarar Lagi Hoi

 
کوئی عدم سے آئے نہ اس قید خانے میں
قیدِ حیات ساتھ نہ ہو گر لگی ہوئی
Koi Aadam Se Aaye Na Is Qaid Khane Mein
Qaid e Hayat Saath Na Ho Gar Lagi Hoi

 
بے شک ہے کچھ لگاؤ جو کرتا ہے یہ گریز
زاہد سے دخت زرہے مقرر لگی ہوئی
Be-Shak Hai Kuch Lagao Jo Karta Hai Ye Guraiz
Zahid Se Dakht Zar Hai Muqarar Lagi Hoi

 
ناقوس بت کدے میں تو کعبے میں ہے اذان
ہے یاد میرے دوست کی گھر گھر لگی ہوئی
Naqos Butt-Kaday Mein Tou Ka'abay Mein Azan
Hai Yaad Mere Dost Ki Ghar Ghar Lagi Hoi

 
واں گالیوں پہ منہ ہے ہمیشہ کھلا ہوا
یاں مہرِ خامشی مرے لب پر لگی ہوئی
Waan Galiyun Pe Munh Hai Hamaisha Khula Hoa
Yaan Mehr e Khamshi Mere Lab Par Lagi Hoi

 
جب میں نے آہ کی ہے قیامت اٹھائی ہے
آواز پر ہے شورشِ محشر لگی ہوئی
Jab Main Ne Aah Ki Hai Qayamat Uthaai Hai
Aawaz Par Hai Shorash e Mahshar Lagi Hoi

 
کیا دخل بے قراریِ دل سے جو اک طرف
کروٹ مری رہی سرِ بستر لگی ہوئی
Kia Dakhal Hai Qarari e Dil Se Jo Ik Taraf
Karwat Meri Rahi Sar e Bistar Lagi Hoi

 
ٹھہری کبھی نہ اس صفِ مثرگاں کے روبرو
ہو سامنے اگر صفِ محشر لگی ہوئی
Thehri Kabhi Na Is Saf e Matargaan Ke Ro-Ba-Ro
Ho Samnay Agar Saf e Mahshar Lagi Hoi

 تھوڑی نظر گزر کے ملے ہم کو ساقیا
ہے اپنی تاک جانبِ ساغر لگی ہوئی
Thodi Nazar Guzar Ke Milay Hum Ko Saqiya
Hai Apni Taak Janib e Saghar Lagi Hoi

 
میں آشنا نہیں بتِ نا آشنا سے داغ
تہمت یہ مفت کی ہے مرے سر لگی ہوئی
Main Aashna Nahi Butt e Na-Aashna Se DAAGH
Tuhmat Ye Muft Ki Hai Mere Sar Lagi Hoi

 
شاعر: نواب مرزا داغ دہلوی
Poet: Nawab Mirza Daagh Dehlvi