Teri Ulfat Mein Sanam ,Dil Ne Buhat Dard Sahe Gham Humain Loot Gaya , Haaye Dil Toot Gaya

تیری الفت میں صنم ، دل نے بہت درد سہے 

غم ہمیں لوٹ گیا ، ہائے دل ٹوٹ گیا

پھر بھی آنسو نہ بہے ، اور ہم چپ ہی رہے

ہم نے ملتے ہی نظر ، دل دیا نذرانہ تجھے

پیار سے پیار بھرا ، کہہ دیا افسانہ تجھے

تجھ سے پایا یہ صلہ ، درد دنیا کا ملا

غم زمانے کے سہے ، اور ہم چپ ہی رہے

آگ سینے میں لگی ، ایسی کہ نکلا نہ دھواں

کس طرح جل گیا دل ، دل ہے نہ اب دل کا نشاں

اسقدر ضبط کیا ، ہم نے ہر اشک پیا

دل میں ارمان رہے ، اور ہم چپ ہی رہے

فصل ِ گُل آ بھی چکی ، آس کے غنچے نہ کِھلے

فاصلے بڑھتے گئے ، مل کے بھی دو دل نہ ملے

بن کے ہر نقش مٹا ، قافلہ دل کا لُٹا

اشک تھم تھم کے بہے ، اور ہم چپ ہی رہے

اور ہم چُپ ہی رہے 

طفیل ہوشیار پوری 

آواز زبیدہ خانم 

فلم       سرفروش