Tu Ne Touheen Muhabbat Ki Hai Kaise Tu Ne Ye Jasarat Ki Hai
Jaam Pee Kar Jo Door Tak Daikha
Chishm e Hasti Ne Toor Tak Daikha
Ye Sharf Aainay Ko Hasil Hai
Aainay Ne Huzoor Tak Daikha
Chishm e Deewana-Waar Jisko Mili
Us Ne Had e Shaour Tak Daikha
Un Ki Zulfon Ka Rang Paya Hai
Jab Bhi Takhleeq e Noor Tak Daikha
Aijz Ki Roshni Mein Ae SAGHAR
Hum Ne Baam e Ghuroor Tak Daikha
Saghar Siddiqui
Comments
Post a Comment