Ahad Pukhta Kia Rindon Ne Ye Paimanay Se Khaak Ho Jaeingy Nikleingy Na Maikhanay Se

عہد پُختہ کیا رِندوں نے یہ پیمانے سے

خاک ہو جائیں گے نِکلیں گے نہ میخانے سے

Ahad Pukhta Kia Rindon Ne Ye Paimanay Se

Khaak Ho Jaeingy Nikleingy Na Maikhanay Se

میرے ساقی ہو عطا مُجھ کو بھی پیمانے سے

فیض پاتا ہے زمانہ ترے میخانے سے

Mere Saqi Ho Aata Mujh Ko Bhi Paimanay Se

Faiz Pata Hai Zamana Tere Maikhanay Se

یک بہ یک اور بھڑک اُٹھتا ہے سمجھانے سے

کوئی کیا بات کرے آپ کے دیوانے سے

Yak Ba Yak Aur Bhadak Uthta Hai Samjhanay Se

Koi Kia Baat Kare Aapke Deewanay Se

رِند مِل مِل کے گلے روئے تھے پیمانے سے

جب مری لاش اُٹھائی گئی میخانے سے

Rind Mil Mil Ke Galy Roye Thay Paimanay Se

Jab Meri Laash Uthaai Gayi Maikhanay Se

مُجھ سے پُوچھے کوئی کیا مُجھ پہ جُنوں میں گُزری

قیس و فرہاد کے قِصّے تو ہیں افسانے سے

Mujh Se Poochay Koi Kia Mujh Pe Junoon Mein Guzri

Qais o Farhad Ke Qissay Tou Hein Afsanay Se

واعظِ شہر کی توبہ نہ کہیں ٹوٹی ہو

آج "ہُو حق" کی صدا آتی ہے مے خانے سے

Waiz e Shehar Ki Touba Na Kahein Tooti Ho

Aaj "Hoo Haq" Ki Sada Aati Hai Maikhanay Se

كون يہ آگ لگا ديتا ہے، معلوم نہيں

روز اٹھتا ہے دھواں سا مرے كاشانے سے

Kon Ye Aag Lagata Hai , Maloom Nahi

Roz Uthta Hai Dhuwan Sa Mere Kashanay Se

ترکِ ثابت قدمی ایک قیامت ہو گی

اور گھِر جاؤ گے آلام میں گھبرانے سے

Tark e Sabat Qadmi Aik Qayamat Ho Gi

Aur Ghar Jaogy Aalaam Mein Ghabranay Se

پا لیا آپ کو اِقرارِ محبت نہ کریں

بن گئی بات مری آپ کے شرمانے سے

Paa Lia Aapko Iqrar e Muhabbat Na Karein

Ban Gai Baat Meri Aap Ke Sharmanay Se

رِند کے ظرف پہ ساقی کی نظر رہتی ہے

اِسے چُلّو سے پلا دی، اُسے پیمانے سے

Rind Ki Zarf Pe Saqi Ki Nazar Rehti Hai

Isay Chulo Se Pila Di , Usay Paimanay Se

شیخ کے ساتھ یہ رِندوں پہ قیامت ٹُوٹی

 پینے والے بھی نِکالے گئے میخانے سے

 Shaikh Ke Saath Ye Rindon Pe Qayamat Tooti

Peenay Wale Bhi Nikalay Gaye Maikhanay Se

باغباں پھونک، مگر شرط يہ ہے گلُشن ميں

آگ پھولوں پہ نہ برسے ميرے خَس خانے سے

Baghbaan Phoonk , Magar Shart Ye Hai Gulshan Mein

Aag Phoolon Pe Na Barsay Mere Khas-Khanay Se 

اس سے بہتر نہ ملے فرشِ سكينت شايد

ہم پُكاريں گے اُنہيں بيٹھ كے ويرانے سے

Is Se Behtar Na Mily Farsh e Sakeenat Shayed

Hum Pukareingy Unhein Baith Ke Weerany Se

بات سُنتے جو نصیرؔ آپ تو اِک بات بھی تھی

بات سُنتے نہیں کیا فائدہ سمجھانے سے

Baat Suntay Jo NASEER Aap Tou Ik Baat Bhi Thi

Baat Suntay Nahi Kia Faidah Samjhanay Se 

بے سہارا ہوں بُڑھاپے میں کہاں جاؤں نصیرؔ 

اب تو جنازہ ہی اُٹھے گا مرا میخانے سے 

Be-Sahara Hoon Barhapay Mein Kahan Jaoun NASEER 

Ab Tou Janaza Hi Uthay Ga Mera Maikhanay Se 

پیر نصیر الدین نصیر

Peer Naseer u Deen Naseer