Zulf Ki Aot Se Chamkay Woh Jabeen Thidi See Dekh Loon Kaash ! Jhalak Mein Kahein Thidi See

زُلف کی اوٹ سے چمکے وہ جبیں تھوڑی سی
دیکھ لوں کاش ! جھلک میں کہیں تھوڑی سی
Zulf Ki Aot Se Chamkay Woh Jabeen Thidi See
Dekh Loon Kaash ! Jhalak Mein Kahein Thidi See
میکدہ دُور ہے ، مسجد کے قریں ، تھوڑی سی
میرے ساقی ہو عطا مجھ کو یہیں تھوڑی سی
Maikadah Door Hai , Masjid Ke Qareen , Thidi See
Mere Saqi Ho Aata Mujh Ko Yahein Thidi See
نا خوشی کم ہو تو ہوتا ہے خوشی کا دھوکا
جھلکیاں "ہاں" کی دکھاتی ہے "نہیں تھوڑی سی
NaKhushi Kam Ho Tou Hota Hai Khushi Ka Dhoka
Jhalkiyan "Han" Ki Dekhati Hai Nahi Thidi See
پھر مرے سامنے آ ، اور حجابات اٹھا
زحمتِ جلوہ پھر اے پردہ نشیں ! تھوڑی سی
Phir Mere Samne Aa , Aur Hijabaat Utha
Zehmat e Jalwah Phir Ae Pardah Nasheen ! Thidi See
اُن کی ہر بات پہ میرا سرِ تسلیم ہے خم
ہر اشارے پہ جُھکاتا ہوں جبیں تھوڑی سی
Unki Har Baat Pe Mera Sar e Tasleem Hai Kham
Har Ishare Pe Jhukata Hoon Jabeen Thidi See
میں یہ سمجھوں کہ مجھے مِل گئی جنت میں جگہ
ان کے کُوچے میں جو مل جائے زمیں تھوڑی سی
Main Ye Samjhon Keh Mujhe Mil Gai Jannat Mein Jagah
Unke Kooche Mein Jo Mil Jaye Zameen Thidi See
صحنِ گُلشن ہے، گُل و لالہ ہیں پیمانہ بہ دست
مِل کے پی لیتے ہیں اب آؤ یہیں تھوڑی سی
Sehn e Gulshan Hai , Gul o Lala Hein Paimana Ba-Dast
Mil Ke Pee Laitay Hein Ab Aao Yahein Thidi See
اُن کی قُربت کا وہ لمحہ ہی بہت ہے مجھ کو
گفتگو ان سے ہوئی تھی جو کہیں تھوڑی سی
Unki Qurbat Ka Woh Lamha Hi Buhat Hai Mujh Ko
Guftgo Un Se Hoi Thi Jo Kahein Thidi See
ساقیِ بزم ! ادھر بھی ہو اُچٹتی سی نظر
ہے طلب مَے کی ، زیادہ تو نہیں’’ تھوڑی سی ‘‘
Saqi Bazm ! Idhar Bhi Ho Uchat'ti See Nazar
"Hai Talab Mai Ki , Ziada Tou Nahi " Thidi See
یوں بھی وہ ایک قیامت ہے دل و جاں کے لیے
جانے کیا ہو، جو مروّت ہو کہیں تھوڑی سی
Yun Bhi Woh Aik Qayamat Hai Dil o Jan Ke Liye
Jane Kia Ho , Jo Murawwat Ho Kahein Thidi See
عاقبت کوچۂ جاناں سے ہے وابستہ نصؔیر
یار سے ہم نے بھی مانگی ہے زمیں،تھوڑی سی
Aaqubat Kooch e Janaan Se Hai Wabasta NASEER
Yar Se Hum Ne Bhi Mangi Hai Zameen , Thidi See
نصیر الدین نصیرؔ
Naseer u Deen Naseer