عذاب کیوں ہیں شناساٸیاں نہ سمجھو گے
جو محفلوں میں ہیں تنہاٸیاں نہ سمجھو گے
چمکتی دھوپ میں کچھ دیر مجھ سے مل کر تم
مرے مزاج کی گہراٸیاں نہ سمجھو گے
شعور آٸے گا جب تک نہ شہرتوں کا تمہیں
یہ گونجتی ہوٸ رسواٸیاں نہ سمجھو گے
سجاٸ جاتی ہیں تنہاٸیوں کی مسند پر
دلوں کی انجمن آراٸیاں نہ سمجھو گے
تمام شہر جسے جان ، انجمن سمجھا
تم ایسے شخص کی تنہاٸیاں نہ سمجھو گے
عنبریں حسیب
No comments:
Post a Comment