Bahisht Mein Bhi Puhonch Kar Mujhe Qarar Nahi Ye Koi Aur Jagah Hai Muqam e Yaar Nahi

بہشت میں بھی پہنچ کر مجھے قرار نہیں
یہ کوئی اور جگہ ہے مقامِ یار نہیں
کِتابِ عِشق کی تفسیر میں لِکھا دیکھا
نماز ہی نہیں جس میں خیالِ یار نہیں
یہ کہہ کے مُجھ کو لئیے جا رہا ہے ذوقِ سجود
کہ آج سر نہیں یا آستانِ یار نہیں
کبھی خیال کی زد میں تھا یار کا جلوہ
کہ اب ہے جلوہ ہی جلوہ خیالِ یار نہیں
مِلیں جو رکھنے کو سر پر کبھی مداسِ حبیب
قسم خدا کی کوئی مُجھ سا  تاجدار نہیں
وہ کوہِ طُور ہو یا سرزمینِ دِل بیدم
جمالِ یار سے خالی کوئی دیار نہیں
بیدم شاہ وارثی