Dil Tha Keh Khush Khayal Tujhe Dekh Kar Hoa Ye Shehr Be-Misal Tujhe Dekh Kar Hoa

دل تھا کہ خوش خیال تجھے دیکھ کر ہوا
یہ شہر بے مثال تجھے دیکھ کر ہوا
Dil Tha Keh Khush Khayal Tujhe Dekh Kar Hoa
Ye Shehr Be-Misal Tujhe Dekh Kar Hoa
اپنے خلاف شہر کے اندھے ہجوم میں
دل کو بہت ملال تجھے دیکھ کر ہوا
Apne Khilaaf Shehar Ke Andhay Hujoom Mein
Dil Ko Buhat Malaal Tujhe Dekh Kar Hoa
طول شب فراق تری خیر ہو کہ دل
آمادۂ وصال تجھے دیکھ کر ہوا
Tool Shab Firaq Teri Khair Ho Keh Dil
Aamadah Wisal Tujhe Dekh Kar Hoa
یہ ہم ہی جانتے ہیں جدائی کے موڑ پر
اس دل کا جو بھی حال تجھے دیکھ کر ہوا
Ye Hum Hi Jante Hein Judaai Ke Mod Par
Is Dil Ka Jo Bhi Haal Tujhe Dekh Kar Hoa
آئی نہ تھی کبھی مرے لفظوں میں روشنی
اور مجھ سے یہ کمال تجھے دیکھ کر ہوا
Aai Na Thi Kabhi Mere Lafzon Mein Roshni
Aur Mujh Se Ye Kamaal Tujhe Dekh Kar Hoa
بچھڑے تو جیسے ذہن معطل سا ہو گیا
شہر سخن بحال تجھے دیکھ کر ہوا
Bichday Tou Jaise Zehan Mua'atal Sa Ho Gaya
Shehar Sukhan Bahaal Tujhe Dekh Kar Hoa
پھر لوگ آ گئے مرا ماضی کریدنے
پھر مجھ سے اک سوال تجھے دیکھ کر ہوا
Phir Log Aa Gaye Mera Mazi Kuredne
Phir Mujh Se Ik Sawal Tujhe Dekh Kar Hoa

نوشی گیلانی
Noshi Gilani