Koi Titli Hai Na Jugno Aah Sham e Be-Kasi Aaj Dil Mein Nastran Ki Shakh Phir Chubhne Lagi

کوئی تتلی ہے نہ جگنو آہ شامِ بے کسی
آج دل میں نسترن کی شاخ پھر چبھنے لگی
Koi Titli Hai Na Jugno Aah Sham e Be-Kasi
Aaj Dil Mein Nastran Ki Shakh Phir Chubhne Lagi
تونے کیا توڑا گلستاں سے وفا کا ایک پھول
ہر کلی ہے غیر محرم ہر شگوفہ اجنبی
Tu Ne Kia Toda Gulistan Se Wafa Ka Aik Phool
Har Kali Hai Ghair Muhrim Har Shagofah Ajnabi
بے ارادہ چل رہا ہوں زندگی کی راہ پر
میرے مسلک میں نہیں ہے کاروبارِ رہبری
Hai Iradah Chal Raha Hoon Zindagi Ki Rah Par
Mere Maslak Mein Nahi Hai Karobar e Rahbari
جس میں کچھ انسان کی توقیر کے احکام تھے
وہ شریعت معبدوں کے زیرِ سایہ سو گئی
Jis Mein Kuch Insan Ki Touqeer Ke Ahkam Thay
Woh Shareea'at Ma'abadon Ke Zer e Saya So Gai
آگئی بازار میں بکنے خدا کی عظمتیں
جی اٹھی ہیں خواہشیں اور مر گیا ہے آدمی
Aa Gai Bazar Mein Bikny Khuda Ki Azmatein
Jee Uthi Hain Khuwahishein Aur Mar Gaya Hai Aadmi
میں شعاعوں میں پگھل جاوؐں مری فطرت نہیں
وہ ستارہ ہوں کہ جس کو ڈھونڈتی ہے روشنی
Main Shoa'aoun Mein Pighal Jaoun Meri Fitrat Nahi
Woh Sitara Hoon Keh Jis Ko Dhoondti Hai Roshni
اور کتنی دور ہیں ساغر عدم کی منزلیں
زندگی سے پوچھ لوں گا راستے میں گر مِلی
Aur Kitni Door Hain SAGHAR Adam Ki Manzilein
Zindagi Se Pooch Loonga Rastay Mein Gar Mili
ساغر صدیقی
Saghar Siddiqui