زخم دل پر بہار دیکھا ہے
کیا عجب لالہ زار دیکھا ہے
Zakham Dil Par Bahar Dekha Hai
Kia Ajab Lala Zar Dekha Hai
جن کے دامن میں کچھ نہیں ہوتا
ان کے سینوں میں پیار دیکھا ہے
Jinke Daman Mein Kuch Nahi Hota
Un Ke Seenon Mein Piyar Dekha Hai
خاک اڑتی ہے تیری گلیوں میں
زندگی کا وقار دیکھا ہے
Khaak Udti Hai Teri Galion Mein
Zindagi Ka Waqar Dekha Hai
تشنگی ہے صدف کے ہونٹوں پر
گل کا سینہ فگار دیکھا ہے
Tishnagi Hai Sadaf Ke Honton Par
Gul Ka Seenah Fagar Dekha Hai
ساقیا! اہتمام بادہ کر
وقت کو سوگوار دیکھا ہے
Saqiya ! Ihtemam Badah Kar
Waqt Ko Sogwar Dekha Hai
جذبۂ غم کی خیر ہو ساغرؔ
حسرتوں پر نکھار دیکھا ہے
Jazba e Gham Ki Khair Ho SAGHAR
Hasraton Par Nikhar Dekha Hai
ساغر صدیقی
Saghar Siddiqui
No comments:
Post a Comment