Roshan Hamein Se Manzil Hasti Ke Marhalay Hum Karwaan Ke Saath Buhat Door Tak Chalay

روشن ہمیں سے منزلِ ہستی کے مرحلے
ہم کارواں کے ساتھ بہت دور تک چلے
Roshan Hamein Se Manzil Hasti Ke Marhalay
Hum Karwaan Ke Saath Buhat Door Tak Chalay
اس شام ِغم کے بعد ہے اک ایسا راستہ
جس میں چراغ جلتے ہیں ظلمات کے لیے
Is Shaam e Gham Ke Bad Hai Ik Aisa Rasta
Jis Mein Charagh Jaltay Hein Zulmaat Ke Liye
اِک عہدِ نو بھی اپنا مداوا نہ کر سکا
لطف و عطا کی گود میں جورُ ستم پلے
Ik Ahd e Nou Bhi Apna Madawa Na Kar Saka
Lutf o Aata Ki Goud Mein Jor o Sitam Palay
چھیڑیں کسی کے گیسوئے برہم کی داستاں
رنج و الم کی رات کسی طرح تو ٹلے
Chaidengy Kisi Ke Gaisooye Barham Ki Dastan
Ranj o Alam Ki Raat Kisi Tarah Tou Talay
جلتی رہیں دیار محبت کی مشعلیں
کیا جانے آفتابِ تمنا کہاں ڈھلے
Jalti Rahein Diyar Muhabbat Ki Mashghalein
Kia Jane Aaftaab e Tamanna Kahan Dhalay
پھرتے ہیں لوگ چاک گریباں گلی گلی
مجروح زندگی کو لگائے ہوئے گلے
Phirtay Hein Log Chaak Gareban Gali Gali
Majrooh Zindagi Ko Lagaye Hoe Galay
ساغرؔ سلگ رہی ہے شگوفوں کی چاندنی
سیرِ چمن کو نکلے ہیں دو چار دل جلے
SAGHAR Sulag Rahi Hai Shagofon Ki Chandni
Sair e Chaman Ko Niklay Hein Do Chaar Dil Jalay
ساغر صدیقی
Saghar Siddiqui