Zakham Dil Ke Sabhi Chupaye Gaye Aansooun Se Diye Jalaye Gaye

زخم دل کے سبھی چھپائے گئے
آنسوؤں سے دیے جلائے گئے
Zakham Dil Ke Sabhi Chupaye Gaye
Aansooun Se Diye Jalaye Gaye
پوری کوشش ہمیں رلانے کی
اور ہم تھے کہ مسکرائے گئے
Pori Koshish Humain Rulane Ki
Aur Hum Thay Keh Muskuraye Gaye
کیا بتائیں کہ کب ملی منزل
ہم تو ہر گام آزمائے گئے
Kia Bataein Keh Kab Mili Manzil
Hum Tou Har Gaam Aazmaye Gaye
تھا مقدر کہ اب بچھڑنا ہے
اس قدر اشک کیوں بہائے گئے؟
Tha Muqadar Keh Ab Bichadna Hai
Is Qadar Ashk Kion Bahaye Gaye?
خواب دیکھا کہ آ رہے ہیں وہ
دل کے سب راستے سجائے گئے
Khuwaab Dekha Keh Aa Rahe Hein Woh
Dil Ke Sab Rastay Sajaye Gaye
سوچتے ہیں کہ زندگی تجھ سے
کس طرح عمر بھر نبھائے گئے ؟
Sochtay Hein Keh Zindagi Tujh Se
Kis Tarah Umar Bhar Nibhaye Gaye?
اک ذرا سے خلوص کی خاطر
کیسے کیسے فریب کھائے گئے
Ik Zara Se Khuloos Ki Khatir
Kaise Kaise Faraib Khaye Gaye
یاد کچھ خاص اب نہیں ہم کو
پر نہ وعدے تِرے بھلائے گئے
Yaad Kuch Khaas Ab Nahi Hum Ko
Par Na Waday Tere Bhulaye Gaye
فرزانہ ساجد
Farzana Sajid