Bakht Se Koi Shikayat Hai Na Aflak Se Hai Yahi Kia Kam Hai Keh Nisbat Mujhe Is Khaak Se Hai

بخت سے کوئی شکایت ہے نہ افلاک سے ہے

 یہی کیا کم ہے کہ نسبت مجھے اس خاک سے ہے

Bakht Se Koi Shikayat Hai Na Aflak Se Hai

Yahi Kia Kam Hai Keh Nisbat Mujhe Is Khaak Se Hai

خواب میں بھی تجھے بھولوں تو روا رکھ مجھ سے

وہ رویہ جو ہوا کا خس و خاشاک سے ہے

بزم میں انجم میں قبا خاک کی پہنی میں نے

اور میری ساری فضیلت اسی پوشاک سے ہے

اتنی روشن ہے تری صبح کہ ہوتا ہے گماں

یہ اجلا تو کسی دیدۂ نمناک سے ہے

ہاتھ تو کاٹ دیئے کوزہ گروں کے ہم نے

معجزے کی وہی امید مگر چاک سے ہے

پروین شاکر 

Parveen Shakir