دسمبر بھی عجب مہینہ ہے
اِس کے شروع ہوتے ہی ایسا محسوس ہوتا ہے
کہ جیسے پّرانی ڈائری کے اوراق
ہمارے سامنے کُھل گئے ہوں
یادیں، جُدائیاں۔۔۔ گزرے لمحات پھر سے زندہ ہو کر
درد کو آنچ دینے لگتے ہیں
سود و زیاں کا حساب ، رائیگانی کا کرب
وقت کے گزرنے کا احساس دو چند ہو جاتا ہے
کیا کھویا کیا پایا کا میزان تکلیف دیتا ہے
مجھے لگتا ہے کہ ہر شخص کے اندر اپنا اپنا دسمبر
سانس لیتا ہے
میرے اندر بھی اک دسمبر ہے
جس نے میری زندگی پر
دُکھ اور ہجر کے نوحے لکھیں ہیں
یہ دسمبر کی کُہر آلود رات
دُکھ کی یقینی میں گِھرا ہوا
آنسوؤں میں ڈوبا ہوا میرا چہرہ
آنکھوں کے کنارے خشک ہوئے تو باریں زمینِ دل پر
برستی ہیں
دُکھ احساس کی جڑپکڑتا ہے اور
میرے لفظوں میں ہمکتا دکھائی دیتا ہے
زندگی نا گہانی جُدائی سے لرز اُٹھتی ہے
تخلیق کاروں کو دسمبر
جُدائی ، دُکھ اور ہجر کا استعارہ لگتا ہے
No comments:
Post a Comment