آیک تازہ غزل احباب کے زوق مطالعہ کی نذر
کہسار سے ٹکرائے ہوئے بہتا ہے دریا
منزل کی طرف اپنی رواں رہتا ہے دریا
طوفان بلا خیز مچا دیں مرے آنسو
آنکھوں میں مری بند مگر رہتا ہے دریا
کشتی کو ڈبونے سے بھرم اپنا ہے قائم
ہر موج سے اک بات یہی کہتا ہے دریا
درے سے گزرتا ہے بڑے غیض ؤ غضب سے
میدان میں چپ چاپ مگر رہتا ہے دریا
انساں کی ضرورت ہے یہاں پل وہ بنائے
دریا کی یہ فطرت کہ اسے ڈہتا ہے دریا
جب چاند اتر آتا ہے دریا کے افق پر
موج طرب انگیز لیے بہتا ہے دریا
اب جوش تلاطم سے میں گھبراتا نہیں میر
بپھری ہوئ موجوں سے یہ خود کہتا ہے دریا
No comments:
Post a Comment