Tujh Ko Paane Ka Mera Khud Se Woh Wa'adah Toota

تجھکو پانے کا مرا خود سے وہ وعدہ ٹوٹا
آیا قسمت پہ یقیں جب بھی ارادہ ٹوٹا
یوں تو دل آپ سے ٹوٹا ہے کئی بار مرا
لیکن اس بار مری جاں ذرا زیادہ ٹوٹا
خود کو محفوظ سمجھتا تھا قلعے میں اپنے
شاہ کو مات ہوئی جب کوئی  پیادہ ٹوٹا
شکریہ سامنے ذلّت کا مرے محسن کش
خیر سے خول تو اُترا  یہ لبادہ ٹوٹا
چشمِ ساقی نہیں اب ہم پہ مہرباں ارشد
کب سے چھلکا نہیں پیمانہ نہ بادہ ٹوٹا

مرزا ارشد علی بیگ

Mirza Arshad Ali Baig   

آڈبان پینسلوانیا

adyan pennsylvania

دسمبر ١٠، ٢٠٢٢