چہرہ آنکھوں سے کبھی وہ ہُوا تحلیل نہیں
ایک خاکہ ہے ابھی ذہن میں تفصیل نہیں
ڈھونڈتی ہے میری آوارگی گلشن گلشن
ایک خوشبو جو کسی پُھول میں تحویل نہیں
تیری قدرت کا میں قائل ہوں مگر میرے خدا
دُنیا والوں کے مظالم کی بھی تاویل نہیں
مُجھکو کرنا ہے تَصوّر سے بھی آگے کا سفر
خاکی دُنیا یہ میری ہستی کی تکمیل نہیں
ہر گھڑی عشق کی فطرت ہے تغیّر ارشد
حُسن کرتا کبھی قانون کو تبدیل نہیں
مرزا ارشد علی بیگ
Mirza Arshad Ali Baig
آڈبان پینسلوانیا
Adyan , Pynsilvinia , U.S.A
جنوری ٢٥، ٢٠٢٣
No comments:
Post a Comment