نَظر اُٹھی جِدھر بھی، ھَم نے اُن کو جَلوہ گر دیکھا
بَـہ قَـلبِ مُطمئِن دیکھا، بَـہ چَشــــــمِ مُعتبَر دیکھا
نـہ ھَـم کو دیکھ لے کوئی یـے اِطمینان کر دیکھا
اُنھیں دیکھا، مَگــــر پہلـے اِدھر دیکھا، اُدھر دیکھا
سِتــم جِھیلـے، سَمیٹـے غَم، لگا دی جان کی بازی
جو ھَم سـے ھو سَکا راہِ وفا میں ھَم نے کر دیکھا
وُھی ھَوں جَلوہ سَماں جِس طَــرف واعِظ! نَظر اُٹھے
اُنھِیں کو جَب نَھیں دیکھا تَو پِھر کیا اپنا سَر دیکھا
عَجب سَودا ھے بازارِ جَہاں میں دِل کا سَودا بھی
مُنــافع کم نَظــــــــر آیا، خَســارا بَیشتَر دیکھا
ھَماری وَحشتِ دِل کی نہ پُوچھـے داستاں کوئی
گئـے ھیں بَعد میں صِحرا کی جانِب، پہلے گھر دیکھا
ھَمیشہ اِحتـرامِ جَلوہ میں جُھکتی رھِیں آنکھیں
کبھی ھَم نے نَظر بَھر کر نہ اُن کو عُمر بَھر دیکھا
جو کل تک دُور تھے، وہ آج اپنے پاس بَیٹھے ھیں
نَصیرٓ ! اِخلاص کی باتوں کا ھَم نے یـے اثر دیکھا
No comments:
Post a Comment