صدیوں کا انتظار دیا پَل کی آس نے
صدمے بہت اُٹھاۓ دلِ نا سپاس نے
وہ شخص نہ ملے گا کبھی بُھول جا اُسے
مُجھ سے کہا تھا ایک ستارہ شناس نے
دریا کا رَخ بدلتے ہی تہذیب مٹ گئی
تودے اُٹھاۓ ریت کے صحرا کی گھاس نے
کیوں کر پڑھوں کتاب تری کائنات کی
مَبہوت کر دیا ہے مجھے اِقتباس نے
پھولوں کو جانے کس لیے شبنم سے ہے گلہ
دریا نگل لیے ہیں سمندر کی پیاس نے
تہذیب نے اعداد کی پوشاک اوڑھ لی
برہنہ کر دیا ہے نئے اِس لباس نے
بدلیں نہ مگر آدمی کی عادتیں کبھی
ارشد سبق سکھاۓ بہت اتّہاس نے
مرزا ارشد علی بیگ
Mirza Arshad Ali Baig
آڈبان پینسلوانیا
Adyan , Pynsilvinia , U.S.A
جنوری ٢٦، ٢٠٢٣
No comments:
Post a Comment