اُداس آنکھوں میں آنسو چھپا کے دیکھا ہے
کسی نے آج ہمیں مسکرا کے دیکھا ہے
ابھی تو مرحلے آئیں گے اور حیرت کے
محبتّوں کو کبھی آزما کے دیکھا ہے
بہت حسین ہے شاید وہ سر زمینِ عدم
پلٹ کے آتا نہیں جس نے جا کے دیکھا ہے
ہے دکھ بچھڑنے کا ساقی سے یا خُمارِ اجَل
کہ میکدے کی طرف لڑکھڑا کے دیکھا ہے
فلک پہ کوئی بھی ارشد نہیں ہے آخر شب
ہمیں ستارے نے اک ٹِمٹِما کے دیکھا ہے
مرزا ارشد علی بیگ
Mirza Arshad Ali Baig
آڈبان پینسلوانیا
Adyan , Pynsilvinia , U.S.A
جنوری ١٣، ٢٠٢٣
No comments:
Post a Comment