ذرا سی بات ہوئی اُن سے آج آنکھوں میں
ہزار شکوے دِکھے خوش مِزاج آنکھوں میں
دِکھائی ایک جھلک اُس نے بعد مدّت کے
اُداسیوں کا ابھی تک ہے راج آنکھوں میں
شب ِ فراق کے وہ سُرخ و کاسنی ڈورے
رنگوں کا خُوب ہے یہ اِمتزاج آنکھوں میں
قبول تھا نہ اُسے بھی جُدائی کا لمحہ
لِکھا ہوا تھا وہی احتجاج آنکھوں میں
وہ برسوں بعد مِلا پِھِر بھی پڑھ لئے ہم نے
فِراق راتوں کے سب اندراج آنکھوں میں
محبّتوں کے چُھپے راز کُھل گئے ارشد
اَدا سے کوئی ملا بََھر کے لاج آنکھوں میں
مرزا ارشد علی بیگ
Mirza Arshad Ali Baig
آڈبان پینسلوانیا
Adyan , Pynsilvinia , U.S.A
جنوری ٢١، ٢٠٢٣
No comments:
Post a Comment