Uska Chalna Bhi Ik Qayamat Hai Aur Theharna Bhi Ik Qayamat Hai

اسکا   چلنا   بھی    اک  قیامت  ہے
اور  ٹھہرنا   بھی   اک   قیامت  ہے
 اسکی باتوں میں کھوئے جاتے ہیں
  بات  کرنا   بھی  اک   قیامت   ہے
اسکی آنکھوں میں ہے طلسم کوئی
اس  سے  بچنا بھی  اک  قیامت ہے
 ہو    فضائوں   پہ    نغمگی  طاری
 اسکا   ہنسنا  بھی  اک  قیامت  ہے
ٹوٹ   کر  اسکا  میری  باہوں  میں
یوں  مچلنا  بھی   اک   قیامت  ہے
 زیست   کے   دلفریب   قصّے  میں
 اسکا  ملنا   بھی  اک   قیامت  ہے
سادگی میں بھی ہے بلا کی کشش  
اور  سنورنا  بھی   اک  قیامت  ہے
 اسکی دلکش  گھنیری زلفوں میں
 یوں  الجھنا  بھی  اک  قیامت ہے
پیار  بھی  اسکا  ہے  غضب  شیزا
اور   لڑنا   بھی   اک    قیامت   ہے
شیزا جلالپوری