Rukhon Ke Chand , Labon Ke Gulaab Mangy Hai Badan Ki Piyas , Badan Ki Sharaab Mangy Hai

رُخوں  کے  چاند،   لبوں  کے  گلاب  مانگے  ہے
بدن  کی   پیاس،  بدن  کی  شراب  مانگے  ہے
میں   کتنے   لمحے   نہ   جانے   کہاں  گنوا  آیا
تری    نگاہ    تو    سارا    حساب    مانگے   ہے
تمام  عرصۂِ  ہستی  دھواں دھواں  ہے  تو  کیا
ہر   ایک   آنکھ   محبت  کا   خواب  مانگے  ہے
میں  کس سے  پوچھنے جاؤں  کہ آج ہر کوئی
مرے  سوال  کا   مجھ  سے  جواب  مانگے  ہے
دلِ   تباہ   کا   یہ  حوصلہ  بھی   کیا   کم  ہے
ہر  ایک   درد  سے   جینے  کی  تاب  مانگے  ہے
بجا  کہ  وضحِ حیا  بھی  ہے  ایک  چیز،  مگر
نشاطِ  دل   تو   تجھے   بے حجاب   مانگے  ہے
جـو   اضـطـراب   بـظــاہر   سـکـون   لگتـا   ہے
ہـر  ایـک  شـعـر  وہـی  اضـطـراب  مـانـگـے  ہے
جاں نثار اختر