سسکتی روح کو مہکتا گلاب کر دونگا
میں اس بہار میں سب کا حساب کر دونگا
میں انتظار میں ہوں تو کوئی سوال تو کر
یقین رکھ میں تجھے لاجواب کر دونگا
ہزار پردوں میں خود کو چھپا کے بیٹھ مگر
تجھے کبھی نہ کبھی بے نقاب کر دونگا
مجھے یقین ہے کے محفل کی روشنی ہوں میں
انہیں یہ خوف کے محفل خراب کر دونگا
مجھے گلاس کے اندر ہی قید رکھ ورنہ
میں سارے شہر کا پانی خراب کر دونگا
ڈاکٹر راحت اندوری
No comments:
Post a Comment