Dil Tujhe Naaz Hai Jis Shakhs Ki Dildari Par Daikh Ab Woh Bhi Utar Aaya Adakari Par

دل تجھے ناز ہے جس شخص کی دلداری پر​
دیکھ اب وہ بھی اتر آیا اداکاری پر​
Dil Tujhe Naaz Hai Jis Shakhs Ki Dildari Par
Daikh Ab Woh Bhi Utar Aaya Adakari Par
میں نے دشمن کو جگایا تو بہت تھا لیکن​
احتجاجاً نہیں جاگا مری بیداری پر​
Main Ne Dushman Ko Jagaya Tou Buhat Tha Lekin
Ihtejajan Nahi Jaga Meri Bedari Par
آدمی آدمی کو کھائے چلا جاتا ہے​
کچھ تو تحقیق کرو اس نئی بیماری پر​
Aadmi Aadmi Ko Khaye Chala Jata Hai
Kuch Tou Tahqeeq Karo Is Nai Bemaari Par
کبھی اس جرم پہ سر کاٹ دئے جاتے تھے​
اب تو انعام دیا جاتا ہے غدّاری پر​
Kabhi Is Juram Peh Sar Kaat Diye Jate Thay
Ab Tou Ina'am Diya Jata Hai Ghadari Par
تیری قربت کا نشہ ٹوٹ رہا ہے مجھ میں​
اس قدر سہل نہ ہو تو مری دشواری پر​
Teri Qurbat Ka Nasha Toot Raha Hai Mujh Mein
Is Qadar Sahal Na Ho Tu Meri Dushwari Par
مجھ میں یوں تازہ ملاقات کے موسم جاگے​
آئینہ ہنسنے لگا ہے مری تیاری پر
Mujh Mein Yun Taza Mulaqaat Ke Mousam Jagy
Aaina Hansne Laga Hai Meri Tayari Par
کوئی دیکھے بھرے بازار کی ویرانی کو​
کچھ نہ کچھ مفت ہے ہر شے کی خریداری پر​
Koi Daikhe Bhare Bazar Ki Weerani Ko
Kuch Na Kuch Muft Hai Har Shay Ki Khareedari Par
بس یہی وقت ہے سچ منہ سے نکل جانے دو​
لوگ اتر آئے ہیں ظالم کی طرف داری پر​
Bas Yahi Waqt Hai Sach Munh Se Nikal Jane Do
Log Utar Aaye Hein Zalim Ki Tarafdari Par
سلیم کوثر
Saleem Kousar