کہتا ہے دل کہ یوں ہی تجھے دیکھتا رہوں
تُو سامنے ہو اور میں تجھے سوچتا رہوں
کیسا عجیب کیف ہے تیری تلاش میں
ملنے کے بعد بھی میں تجھے ڈھونڈتا رہوں
نکلا ہے تیرا نام میرے حرف حرف سے
کب تک بتا میں اپنا قلم روکتا رہوں
سُن کر تمام عُمر تجھے سوچتا ہوں اب
تو بھی سُنا کرے مجھے میں بولتا رہوں
دل ہے کہ باز آتا نہیں یاد سے تری
جاناں کہاں تلک میں اسے ٹوکتا رہوں
اچھا تو تیرے حُسن کو منظور ہے یہی
چُھپتا رہے تُو راز ترے کھولتا رہوں
ارشد کسی کے پیار میں لکھتا رہوں غزل
شعروں میں اسکا حُسن یوںہی تولتا رہوں
مرزا ارشد علی بیگ
Mirza Arshad Ali Baig
مئی ١٨، ٢٠٢٣
No comments:
Post a Comment