Lamhaat Wasal Kaise Hijabon Mein Kat Gaye Woh Haath Barh Na Paaye Keh Ghonghat Simat Gaye

لمحات وصل کیسے حجابوں میں کٹ گئے
وہ ہاتھ بڑھ نہ پائے کہ گھونگھٹ سمٹ گئے
Lamhaat Wasal Kaise Hijabon Mein Kat Gaye
Woh Haath Barh Na Paaye Keh Ghonghat Simat Gaye
خوشبو تو سانس لینے کو ٹھہری تھی راہ میں
ہم بدگماں ایسے کہ گھر کو پلٹ گئے
Khushbo Tou Sans Laine Ko Thehri Thi Raah Mein
Hum Bad-Guman Aise Keh Ghar Ko Palat Gaye
ملنا-دوبارہ ملنے کو وعدہ-جُدائیاں
اتنے بہت سے کام اچانک نمٹ گئے
Milna - Dobara Milny Ko Wa'ada - Judaaiyan

Itne Buhat Se Kam Achanak Nimat Gaye
روئی ہوں آج کھُل کے، بڑی مُدتوں کے بعد
بادل جو آسمان پہ چھائے تھے،چھٹ گئے
Royi Hon Aaj Khul Ke , Badi Maddaton Ke Ba'ad
Badal Jo Aasman Peh Chaye Thay , Chatt Gaye
کِس دھیان سے پرانی کتابیں کھلی تھیں کل
آئی ہوا تو کِتنے ورق ہی اُلٹ گئے
Kis Dhayan Se Purani Kitabein Khuli Thein Kal
Aai Hawa Tou Kitne Warq Hi Ulat Gaye
شہرِ وفا میں دُھوپ کا ساتھی کوئی نہیں
سُورج سروں پہ آیا تو سائے بھی گھٹ گئے
Shehr e Wafa Mein Dhoop Ka Saathi Koi Nahi
Soraj Saron Peh Aaya Tou Saye Bhi Ghat Gaye
اِتنی جسارتیں تو اُسی کو نصیب تھیں
جھونکے ہَوا کے،کیسے گلے سے لپٹ گئے
Itni Jasaratein Tou Usi Ko Naseeb Thein
Jhonkay Hawa Ke , Kaise Galy Se Lipat Gaye
دستِ ہَوا نے جیسے درانتی سنبھال لی
اب کے سروں کی فصل سے کھلیان پٹ گئے
Dast e Hawa Ne Jaise Daranti Sanbhal Li
Ab Ke Saron Ki Fasal Se Khalyan Patt Gaye
پروین شاکر
Parveen Shakir