میرا خاموش رہ کر بھی انہیں سب کچھ سنا دینا
زباں سے کچھ نہ کہنا دیکھ کر آنسو بہا دینا
Mera Khamosh Reh Kar Bhi Unhein Sab Kuch Suna Daina
Zuban Se Kuch Na Kehna Daikh Kar Aansoo Baha Daina
میں اس حالت سے پہنچا حشر والے خود پکار اٹھے
کوئی فریاد کرنے آ رہا ہے راستہ دینا
Main Is Halat Se Puhoncha Hashar Wale Khud Pukar Uthay
Koi Faryad Karne Aa Raha Hai Rasta Daina
اجازت ہو تو کہہ دوں قصۂ الفت سرِ محفل
مجھے کچھ تو فسانہ یاد ہے کچھ تم سنا دینا
Ijazat Ho Tou Keh Don Qissa e Ulfat Sar e Mehfil
Mujhe Kuch Tou Fasana Yaad Hai Kuch Tum Suna Daina
میں مجرم ہوں مجھے اقرار ہے جرمِ محبت کا
مگر پہلے خطا پر غور کر لو پھر سزا دینا
Main Mujrim Hon Mujhe Iqrar Hai Jurm e Muhabbat Ka
Magar Pehle Khata Par Ghor Kar Lo Phir Saza Daina
قمرؔ وہ سب سے چھپ کر آ رہے ہیں فاتحہ پڑھنے
کہوں کس سے کہ میری شمعِ تُربت کو بُجھا دینا
QAMAR Woh Sab Se Chup Kar Aa Rahe Hein Fatiha Parhne
Kahon Kis Se Keh Meri Shamma e Turbat Ko Bujha Daina
قمر جلالوی
Qamar Jalavi
No comments:
Post a Comment