وہی تاج ہے وہی تخت ہے وہی زہر ہے وہی جام ہے
یہ وہی خدا کی زمین ہے یہ وہی بتوں کا نظام ہے
Wahi Taj Hai Wahi Takht Hai Wahi Zehar Hai Wahi Jaam Hai
Ye Wahi Khuda Ki Zameen Hai Ye Wahi Button Ka Nizam Hai
بڑے شوق سے مرا گھر جلا کوئی آنچ تجھ پہ نہ آئے گی
یہ زباں کسی نے خرید لی یہ قلم کسی کا غلام ہے
Baday Shouq Se Mera Ghar Jala Koi Aanch Tujh Peh Na Aayegi
Ye Zuban Kisi Ne Khareed Li Ye Qalam Kisi Ka Ghulam Hai
یہاں ایک بچے کے خون سے جو لکھا ہوا ہے اسے پڑھیں
ترا کیرتن ابھی پاپ ہے ابھی میرا سجدہ حرام ہے
Yahan Aik Bachay Ke Khoon Se Jo Lekha Hoa Hai Usay Parhein
Tera Kertan Abhi Paap Hai Abhi Mera Sajdah Haram Hai
میں یہ مانتا ہوں مرے دیے تری آندھیوں نے بجھا دئیے
مگر ایک جگنو ہواؤں میں ابھی روشنی کا امام ہے
Ye Main Manta Hon Mere Diye Teri Aandhiyun Ne Bujha Diye
Magar Aik Jugno Hawaoun Mein Abhi Roshni Ka Imam Hai
مرے فکر و فن تری انجمن نہ عروج تھا نہ زوال ہے
مرے لب پہ تیرا ہی نام تھا مرے لب پہ تیرا ہی نام ہے
Mere Fikar o Fun Teri Anjuman Na Urooj Tha Na Zawal Hai
Mere Lab Pe Tera Hi Nam Tha Mere Lab Peh Tera Hi Nam Hai
بشیر بدر
Bashir Badar
No comments:
Post a Comment