خوشا کہ باغِ بہاراں ہے زندگی اپنی
کسی کے غم سے فروزاں ہے زندگی اپنی
Khosha Keh Bagh e Baharan Hai Zindagi Apni
Kisi Ke Gham Se Farozaan Hai Zindagi Apni
بہت دنوں سے پریشاں ہیں آپ کے گیسُو
بہت دنوں سے پریشاں ہے زندگی اپنی
Buhat Dinon Se Pareshan Hein Aake Gaisoo
Buhat Dinon Se Pareshan Hai Zindagi Apni
چھلک رہے ہیں کئی حسرتوں کے پیمانے
لہو سے دل کے چراغاں ہے زندگی اپنی
Chalak Rahe Hein Kai Hasraton Ke Paimane
Lahoo Se Dil Ke Charaghan Hai Zindagi Apni
غمِ حیات نے ڈالے ہیں ہاتھ بڑھ بڑھ کر
کہ بے وطن کا گریباں ہے زندگی اپنی
Gham e Hayat Ne Daly Hein Haath Barh Barh Kar
Keh Be-Watan Ka Gareban Hai Zindagi Apni
تِرا جہان ہے کیا ایک آئینہ خانہ
کہ جس میں ششدر و حیراں ہے زندگی اپنی
Tera Jahan Hai Kia Aik Aainah-Khana
Keh Jis Mein Shashdar o Hairan Hai Zindagi Apni
نجانے کون سا لمحہ چرا کے لے جائے
متاعِ گردشِ دوراں ہے زندگی اپنی
Najane Konsa Lamha Chura Ke Le Jaye
Mataa e Gardish e Daoran Hai Zindagi Apni
نہ کوئی پھول نہ ساغرؔ نہ ماہتاب نہ تُو
بجھا ہوا سا شبستاں ہے زندگی اپنی
Na Koi Phool Na SAGHAR Na Mahtaab Na Tu
Bujha Hoa Sa Shabistan Hai Zindaga Apni
ساغر صدیقی
Saghar Siddiqui
No comments:
Post a Comment